ანზორ თავართქილაძე

დაბადების ადგილი: სოფელი ძირკვაძეები, ხულოს რაიონი.

დაამთავრა საქართველოს სასოფლო სამეურნეო ინსტიტუტის აგროქიმია-ნიადაგთმცოდნეობის ფაკულტეტი 1971 წელს; ამავე ინსტიტუტის ასპირანტურა 1977 წელს; 1989 წელს დაამთავრა ბაქოს უმაღლესი პარტული სკოლა. 

1967 წლიდან მოღვაწეობდა სოფლის მეურნეობის სისტემაში, ჟურნალისტიკის სფეროში, ხელმძღვანელობდა  ხულოს რაიონის ახალგაზრდულ ორგანიზაციას; იყო პარტიის აჭარის საოლქო კომიტეტის პასუხისმგებელი მუშაკი; პარტიის ხულოს რაიკომის მეორე მდივანი, ამავე რაიონის აღმასკომის თავმჯდომარე; 1991 წლიდან სამეცნიერო მივლინებით და საზოგადოებრივი დავალებით იმყოფებოდა უცხოეთში; 1993 წელს მისი ინიციატივით ქ. სტამბოლში (თურქეთი) დაარსდა ერთ-ერთი პირველი ქართული საზოგადოება; 1996-1998წწ. ფონდ "დემოკრატია და აღორძინების" მთავარი კორდინატორი თურქეთის რესპუბლიკაში. აქვს 50-ზე მეტი სამეცნიერო ნაშრომი, რომლებიც ეხება სოფლის მეურნეობის, ბიოლოგიის, გეოგრაფიის, ეკონომიკის, ეკოლოგიის სფეროებს. ბიოლოგიის მეცნიერებათა დოქტორი. 

საკანდიდატო დისერტაციის თემა - "მაღალმთიანი აჭარის ნიადაგები, მათი გენეზისი და სოფლის მეურნეობაში გამოყენების თავისებურებანი", დაიცვა 1980 წელს; სადოქტორო დისერტაციის თემა - "აჭარის ნიადაგები, მათი რაციონალური გამოყენებისა და დაცვის პრობლემები", დაიცვა 1995 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.130-131

• თურქეთ-საქართველოს მეგობრობისა და თანადგომის ფონდი, საპატიო პრეზიდენტი (1996-)
• საერთაშორისო ფონდი "მშვიდობა და დემოკრატია", თავმჯდომარე
• საქართველოს მეცნიერებათა ეროვნული აკადემიის ეკოლოგიური უსაფრთხოების კომისია, წევრი
• საქართველოს ნიადაგმცოდნეთა საზოგადოება, ვიცე-პრეზიდენტი

• აჭარის ნიადაგები, მათი რაციონალური გამოყენებისა და დაცვის პრობლემები (ავტორი). - თბილისი, მეცნიერება, 2004. - 254გვ. . - ISBN: 99940-785-4-2
• საქართველოს ნიადაგების რუკა (თანაავტორი). - თბილისი, სს "კარტოგრაფია", 1999
• Особенности герезиса и сельскохозяйственного использования черных почв Грузии (ავტორი). - Тбилиси, Мецниереба, 1994. - 119с.
• საქართველოს მიწის რესურსების რაციონალური გამოყენების და დაცვის პრობლემები (ავტორი). - თბილისი, მეცნიერება, 1994. - 196გვ.. - ISBN: 5-520-01548-1
• აჭარის ასსრ ძირითადი ნიადაგები (ავტორი). - ბათუმი, საბჭ. აჭარა, 1983