გიორგი V გურიელი

გურიის მთავარი 1756-1758წწ., 1765-1771წწ. და 1776-1788წწ., გიორგი IV გურიელის ძე; მთავრობა ოსმალთა შემწეობით მიიღო, რუსეთ-ოსმალეთის ომის(1768-1774) დასაწყისში ნეიტრალური პოზიცია დაიკავა; 1771 წლის 3 იანვარს ფოთთან ოსმალთა დამარცხების შემდეგ ჩაება მათ წინააღმდეგ ბრძოლაში, იმავე წლის იანვარში სოლომონ I-მა გურიაში ილაშქრა, გიორგი V გურიელი გადააყენა და გურიელად კვლავ მამია IV დასვა; რთული სგარეო ვითარების გამო გიორგი V გურიელი იძულებული იყო ორმაგი პოლიტიკა ეწარმოებინა; კარგი ურთიერთობა ჰქონდა როგორც ოსმალეთთან, ისე იმერეთის სამეფოსა და რუსეთთან; 1784 წლის მარტში ბათუმისკენ სალაშქროდ მიმავალ სოლომონ I-ს თან ახლდა გურიის ლაშქარი; ამ ლაშქრობის შემდეგ გურიის სამთავრომ საბოლოოდ დაკარგა ქობულეთის მხარე; გიორგი V გურიელი ცდილობდა რუსეთთან დაკავშირებას, მაგრამ უშედეგოდ; 1788 წელს ღრმად მოხუცი გიორგი V გურიელი შინაური არეულობის გამო იძულებული გახდა გურიელობა უფროსი ვაჟისთვის სიმონისთვის დაეთმო.

წყარო: საქართველო: ენციკლოპედია: ტ.2. - თბ., 2012. - გვ.27