გიორგი I დადიანი

ოდიშის(სამეგრელოს) ერისთავი, ბედან დადიანის ძე; პირველად 1293 წელს იხსენიება ოდიშის ერისთავად, თუმცა როდის მიიღო ეს ტიტული უცნობია; იგი აქტიურად მონაწილეობდა შინაფეოდალურ ომებში, რომელიც დასავლეთ საქართველოში დაიწყო დავით VI ნარინის გარდაცვალების შემდეგ; გიორგი I დადიანის დროს ოდიშის საერისთაოში აიოგო ხობის ტაძარი; იგი ეკლესიით ხელში გამოსახულია ამ ტაძრის ჩრდილოეთ კედელზე შესაბამისი წარწერით, რომლის მიხედვით ირკვევა, რომ გიორგი I დადიანი ატარებდა მანდატურთუხუცესის ტიტულს; მოხსენიებულია იერუსალიმის ჯვრის მონასტრის ორ აღაპში; გიორგი I დადიანმა ოდიშის საერისთავოს ცხუმის საერისთავო მიუერთა და ოდიშის საერისთავოს დასავლეთ საზღვარი მდინარე კოდორიდან ანაკოფიის წყლამდე(დღევანდელი მდ. ფსირცხა) გადაიტანა.

წყარო: საქართველო: ენციკლოპედია: ტ.2. - თბ., 2012. - გვ.27