გიორგი რაჭის ერისთავი

რაჭის ერისთავი 1785-1787წწ., როსტომ რაჭის ერისთავის ძე; 1769 წელს, როდესაც სოლომონ I-მა რაჭის საერისთავო გააუქმა და როსტომ ერისთავი და მისი შვილები დასაჯა, გიორგი რაჭის ერისთავი ცალი თვალით დააბრმავეს და დაპატიმრეს; იმავე წელს საპყრობილიდან გაიქცა და სტამბოლს შეაფარა თავი; აქ ის სულთნის სამსახურში ჩადგა "ქიორ-ბეგის" სახელით; 1784 წელს სულთნის მხარდაჭერით დაიმედებული იმერეთში გამეფებას შეეცადა, მაგრამ მიზანს ვერ მიაღწია; 1785 წელს იმერეთის მეფემ დავით II-მ გიორგი რაჭის ერისთავი ოსმალეთიდან მოიწვია და ახლად აღდგენილი რაჭის საერისთავოს ერისთავად დასვა.

წყარო: საქართველო: ენციკლოპედია: ტ.2. - თბ., 2012. - გვ.32