გიორგი ქსნის ერისთავი

ქსნის ერისთავი 1774-1777წწ., ყულარაღასი(მეფის მცველი); ხშირად ეურჩებოდა ერეკლე II-ს და ლეკთა დაქირავებული რაზმით არბევდა ქართლის სოფლებს; 1777 წელს აჯანყდა და ქსნის საერისთავოს ციხეები გაამაგრა; ერეკლე II-მ შესარიგებლად მოციქულები გაუგზავნა, მაგრამ გიორგი ქსნის ერისთავი არ დაემორჩილა; მაშინ მეფემ გიორგი და ლევან ბატონიშვილების მეთაურობით ჯარი გაგზავნა საერისთავოში. მათ საერისთავოს ციხეები აიღეს, ერისთავი შეიპყრეს და თბილისში ჩაიყვანეს(1777 დეკემბერი); ერეკლე II-მ გიორგი ქსნის ერისთავს სიცოცხლე შეუნარჩუნა, მაგრამ საერისთავო გააუქმა, მისი დიდი ნაწილი სახასოდ გამოაცხადა და გიორგი და იულონ ბატონიშვილებს გადასცა; ერისთავის შვილებს დარჩათ მცირე მამული გვერდისძირზე და შიდა ქართლში.

წყარო: საქართველო: ენციკლოპედია: ტ.2. - თბ., 2012. - გვ.32