გიორგი ღმერთშემოსილი

სასულიერო მოღვაწე, ასკეტი, დაყუდებულად წოდებული; მოღვაწეობდა შავ მთაზე; თავშესაფარი იპოვა "მიუვალი მთის ნაპრალებში", რის გამოც შეყენებულსაც უწოდებენ; მას საქართველოდან წასული გიორგი მთაწმინდელი დაემოწაფა, რომელიც გიორგი ღმერთშემოსილმა სამი წელი მონასტერში დაამკვიდრა, შემდეგ "სქემით აკურთხა და ამით სრულყო მონაზნობა მისი"; მისი კურთხევით და შეგონებით გიორგი მთაწმინდელი ათონზე გაემგზავრა და გააგრძელა ექვთიმე მთაწმინდელის დაწყებული საქმე; გიორგი მთაწმინდელი ქართული ეკლესიის მიერ შერაცხულია წმინდანად, მისი ხსენების დღეა 3(16) ივლისი.

წყარო: საქართველო: ენციკლოპედია: ტ.2. - თბ., 2012. - გვ.33