ირაკლი აბუსერიძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ეკონომიკის ფაკულტეტი საბანკო საქმის სპეციალობით 1999 წელს.

1995-1996წწ. საქართველოს რაგბის ახალგაზრდული ნაკრების მოთამაშე; 2000, 2002 და 2004წწ. საქართველოს შვიდკაცა რაგბის ეროვნული ნაკრების მოთამაშე; 2002-2004წწ. თამაშობდა სარაგბო კლუბ "ორიაკში" (საფრანგეთი); 2003, 2007 და 2011წწ. "მსოფლიო თასის" თამაშების მონაწილე; 2005 წელს მონაწილეობდა შვიდკაცა რაგბის მსოფლიო თასზე, იყო საქართველოს ნაკრების კაპიტანი; 2004-2009წწ. თამაშობდა სარაგბო კლუბ "ორლიანში" (საფრანგეთი); 2000-2013წწ. საქართველოს რაგბის ეროვნული ნაკრების მოთამაშე; 2007-2013წწ. საქართველოს რაგბის ეროვნული ნაკრების გუნდის კაპიტანი; 2009-2013წწ. თამაშობდა სარაგბო კლუბ "ოსერიში" (საფრანგეთი); 2012-2013წწ. სარაგბო კლუბ "არმაზის" მოთამაშე; 2013-2015წწ. საქართველოს რაგბის კავშირის სპორტული დირექტორი; 2014-2016წწ. თბილისის საკრებულოს წევრი. 2016-2020წწ. საქართველოს მე-9 მოწვევის პარლამენტის წევრი, საარჩევნო ბლოკი: "ქართული ოცნება - დემოკრატიული საქართველო", საარჩევნო ფორმა: მაჟორიტარული, მაჟორიტარი №8 მაჟორიტარული საარჩევნო ოლქიდან. ევროპის ერთა თასის მფლობელი 2001, 2007, 2008, 2009, 2011, 2012, 2013 წლებში. 

წყარო: საქართველოს პარლამენტის ვებ-გვერდი: parliament.ge; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.202

• საქართველოს მე-9 მოწვევის პარლამენტი, წევრი (2016-2020)
• საქართველოს მე-9 მოწვევის პარლამენტის დარგობრივი ეკონომიკისა და ეკონომიკური პოლიტიკის კომიტეტი, წევრი (2017-2018)
• საქართველოს მე-9 მოწვევის პარლამენტის ევროპასთან ინტეგრაციის კომიტეტი, წევრი (2016-2017)
• საქართველოს მე-9 მოწვევის პარლამენტის სპორტისა და ახალგაზრდულ საქმეთა კომიტეტი, კომიტეტის თავმჯდომარის მოადგილე (2016-2018)
• საქართველოს მე-9 მოწვევის პარლამენტის ფრაქცია "ქართული ოცნება - მწვანეები", ფრაქციის მდივანი (2017-2017)
• საქართველოს მე-9 მოწვევის პარლამენტის ფრაქცია "ქართული ოცნება - ძლიერი საქართველოსთვის", წევრი (2017-2019)
• საქართველოს მე-9 მოწვევის პარლამენტის ფრაქცია "ქართული ოცნება - ძლიერი საქართველოსთვის", ფრაქციის თავმჯდომარე (2019-2020)
• საქართველოს მე-9 მოწვევის პარლამენტის ფრაქცია "ქართული ოცნება", წევრი (2016-2017)

• 2013 - სპორტის რაინდის წოდება
• 2010 - ღირსების ორდენი
• 2001 - ღირსების მედალი