ზაზა გაბუნია

დაბადების ადგილი: ქ. ქუთაისი.

დაამთავრა თბილისის სასწავლო უნივერსიტეტის იურიდიული ფაკულტეტი 2007 წელს; თბილისის სასულიერო სემინარია 2008 წელს; საფრანგეთის საგარეო საქმეთა სამინისტროს პროგრამის "მომავლის ლიდერების" კურსი 2015 წელს; 2008-2009 წწ. სწავლობდა ევროპის საბჭოს თბილისის პოლიტიკური სწავლების სკოლაში. მადრიდის სენეკას ინსტიტუტის პოლიტიკურ მეცნიერებათა და საჯარო მმართველობის მაგისტრი (Máster en Ciencias Políticas y Gestión Pública); მონტერეის უნივერსიტეტის საპატიო დოქტორი (2023); ფლობს ესპანურ, ინგლისურ, ფრანგულ, პორტუგალიულ და რუსულ ენებს.

2021 წლიდან საქართველოს საგანგებო და სრულუფლებიანი ელჩი მექსიკის შეერთებულ შტატებში და ცენტრალური ამერიკისა და კარიბის ზღვის ქვეყნებში; 2020-2021წწ. საგარეო საქმეთა სამინისტროს დიპლომატიური ინსტიტუტის მეცნიერ-თანამშრომელი; 2016-2020წწ. საქართველოს მე-9 მოწვევის პარლამენტის წევრი, საარჩევნო ბლოკი: "ქართული ოცნება - დემოკრატიული საქართველო", საარჩევნო ფორმა: მაჟორიტარული, №19 მაჟორიტარული საარჩევნო ოლქი, პარლამენტის რეგიონული პოლიტიკისა და თვითმმართველობის კომიტეტის თავმჯდომარე; 2019-2020წწ. დეცენტრალიზაციის სტრატეგიის (2019-2025) საპარლამენტო სამუშო ჯგუფის ხელმძღვანელი; 2016-2017წწ. საქართველოს საკონსტიტუციო კომისიის წევრი; 2014-2016წწ. თბილისის მთავრობის წევრი; ნაძალადევის რაიონის გამგებელი; 2010-2014წწ. თბილისის საკრებულოს წევრი, ფრაქციის თავმჯდომარე; 2019 წელს, ზ. გაბუნიას მიერ მომზადებული საკანონმდებლო ინიციატივის საფუძველზე სკოლებში "დედა ენა" დაბრუნდა; მისი თაოსნობით 2022 წელს ლათინურ ამერიკაში და მექსიკაში პირველად გამოიცა "ვეფხისტყაოსანი"; 2023 წელს მეხიკოს ლათინო ამერიკული უნივერსიტეტის მიერ, მინიჭებული აქვს ჯილდო - "უმაღლესი აღიარება დიპლომატიაში ბრწყინვალე და გამორჩეული მიღწევებისათვის";  ზ. გაბუნია არის ელიტარული ინელექტ-კლუბის მთავარი ჯილდოს "ბროლის ბუს" მფლობელი; სამი წიგნის (ორი მხატვრული რომანი და ერთი პუბლიცისტური წერილები) ავტორი.

წყარო: საქართველოს პარლამენტის ვებ-გვერდი: parliament.ge

• ახალგაზრდა ქრისტიან დემოკრატები, თავმჯდომარე (2008-2009)
• თბილისის საკრებულოს ფრაქცია "ქართული ოცნება-დემოკრატიული საქართველო", თავმჯდომარე (2013-2014)
• საქართველოს მე-9 მოწვევის პარლამენტი, წევრი (2016-2020)
• საქართველოს მე-9 მოწვევის პარლამენტის ფრაქცია "ქართული ოცნება - მწვანეები" , ფრაქციის თავმჯდომარის მოადგილე (2017-2017)
• საქართველოს მე-9 მოწვევის პარლამენტის ფრაქცია "ქართული ოცნება", წევრი (2016-2017)
• საქართველოს მე-9 მოწვევის პარლამენტის რეგიონული პოლიტიკისა და თვითმმართველობის კომიტეტი, თავმჯდომარე (2017-2020)

• მონოლოგი სარწეველა სკამიდან : რომანი (ავტორი). - თბილისი, ინტელექტი, 2019. - 416გვ.. - ISBN: 9789941310416
• პუბლიცისტური მოდუს ვივენდი (ავტორი). - თბილისი, შპს "7 ციცერო", 2010. - 167გვ. . - ISBN: 978-9941-0-2882-3