ვალერიან კალანდაძე

დაამთავრა თბილისის ოპერისა და ბალეტის სახელმწიფო თეატრთან არსებული ქორეოგრაფიული სტუდია.

1937–1939წწ. მუშაობდა თბილისის ოპერისა და ბალეტის სახელმწიფო თეატრში ბალეტის მსახიობად; 1939–1941წწ. იყო უკრაინის სიმღერისა და ცეკვის სახელმწიფო ანსამბლის მოცეკვავე; 1942–1945წწ. ამიერკავკასიის სამხედრო ოლქის სიმღერისა და ცეკვის ანსამბლის მოცეკვავე; ანსამბლთან ერთად გამოდიოდა სსრკ–გერმანიის ომში ფრონტის წინა ხაზზე; 1945 წლიდან ახალდაარსებული საქართველოს სიმღერისა და ცეკვის სახელმწიფო აკადემიური ანსამბლის სოლისტი მოცეკვავე გახდა (ხელმძღვანელი ი. სუხიშვილი, ნ. რამიშვილი). 1971 წლიდან მუშაობდა საესტრადო ორკესტრის "რეროს" დირექტორად.

წყარო: თბილისი – ენციკლოპედია. – თბ., 2002 – გვ.581

• 1966 - საქართველოს ხელოვნების დამსახურებული მოღვაწე
• 1953 - ახალგაზრდობისა და სტუდენტთა IV საერთაშორისო ფესტივალი (ბუქარესტი)