კარლო მეგრელიშვილი

დაბადების ადგილი: ქ. თბილისი.

დაამთავრა თბილისის რკინიგზის ტრანსპორტის ინჟინრების ინსტიტუტი 1952 წელს.

1932–1942წწ. მუშაობდა სამუშაოების მწარმოებლად ამიერკავკასიის სამრეწველო მშენებლობის ტრესტში; ქ. თბილისის ტრამვაი-ტროლეიბუსის სამმართველოში - უფროს ტექნიკოსად, საგზაო სამსახურის უფროსის მოადგილედ და მთავარ ინჟინრად, საგზაო სამსახურის უფროსად; 1941-1946წწ. იმყოფებოდა საბჭოთა არმიის რიგებში სხვადასხვა თანამდებობებზე; დიდი სამამულო ომის მონაწილე; 1950–1961წწ. თბილისის მშრომელთა დეპუტატების საბჭოს აღმასკომში საპასუხისმგებლო პოსტზეა; 1961 წლის სექტემბერში აირჩიეს ქ. თბილსის ორჯონიკიძის მშრომელთა დეპუტატების რაიონული საბჭოს აღმასკომის თავმჯდომარედ; იყო თბილისის მშრომელთა დეპუტატების საბჭოს დეპუტატი; პარტიის თბილისის კომიტეტის წევრი; მრავალჯერ იყო არჩეული პარტიის რაიონული და საქალაქო კომიტეტების, პარტიის რაიკომის ბიუროს წევრად, სახალხო დეპუტატთა რაიონულ და საქალაქო საბჭოს დეპუტატად; იყო საქართველოს სსრ უმაღლესი საბჭოს მეექვსე მოწვევის დეპუტატი; 1968–1978წწ. თბილისის საქალაქო საბჭოს აღმასკომის თავმჯდომარის მოადგილე მშენებლობის დარგში; 1979 წლიდან თბილისის მერიის მთავარი სპეციალისტი, შემდეგ მთავარი მრჩეველი. დაჯილდოებულია სამი ორდენით და რამდენიმე მედლით.

წყარო: თბილისი – ენციკლოპედია. – თბ., 2002 – გვ.585; 1979-2006 / თბილ. მერიის განათლ. და კულტ. სამსახური.-თბ.,2006.-გვ.82-83 (dspace.nplg.gov.ge); წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.78

• 1999 - ღირსების ორდენი
  ქალაქ თბილისის აღმშენებლობაში შეტანილი პირადი დიდი წვლილისა და ნაყოფიერი საზოგადოებრივი მოღვაწეობისათვის
• 1997 - თბილისის საპატიო მოქალაქე
• 1958 - საქართველოს დამსახურებული ინჟინერი
• წითელი ვარსკვლავის ორდენი