გივი კარტოზია

დაამთავრა საქართველოს ფიზკულტურის ინსტიტუტი 1954 წელს.

პირველი ქართველი სპორტცმენი, რომელმაც მსოფლიო ჩემპიონის ტიტული მოიპოვა. XVI ოლიმპური თამაშების (1956, მელბურნი) ჩემპიონი და 1960 წლის რომის ოლიმპიური თამაშების მესამე პრიზიორი, მსოფლიოს სამგზის ჩემპიონი (1953, ნეაპოლი, 1955 კარლსრუე, 1958, ბუდაპეშტი), მსოფლიოს თასის მფლობელი (1956), სტუდენტთა IX (1951, ბერლინი) და X (1951, ბუქარესტი) მსოფლიო თამაშების გამარჯვებული, სსრკ ოთხგზის ჩემპიონი (1952,1953, 1954, 1955). მსოფლიო თასის მფლობელი (1956, სტამბოლი). გამოირჩეოდა მაღალი ტექნიკით, ფიზიკური ძალით, სწრაფი, შემტევი სტილით. 2001 წელს გივი კარტოზიას სახელი მიენიჭა თბილისის სპორტის სასახლეს; მიღებული აქვს ფილას ორდენი; საქართველოს მეოცე საუკუნის საუკეთესო სპორტსმენის (ვერცხლის პრიზი) წოდება. მოჭიდავე (ბერძნულ–რომაული ჭიდაობა). 

წყარო: თბილისი – ენციკლოპედია. – თბ., 2002 – გვ.587; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.383; კარგ ქართველთა საფლავები: geonecropol.ge

• 1999 - ვახტანგ გორგასლის III ხარისხის ორდენი
  საერთაშორისო სპორტულ და ოლიმპიურ მოძრაობაში, მსოფლიო არენაზე საქართველოს სპორტული და ინტელექტუალური პოტენციალის წარმოჩენაში ახალგაზრდა თაობათა ეროვნულ-პატრიოტული სულისკვეთებით აღზრდაში შეტანილი განსაკუთრებული წვლილისა და პირადი ფენომენალური სპორტული მიღწევებისათვის
• 1996 - ღირსების ორდენი
  ქართული სპორტის განვითარებაში შეტანილი განსაკუთრებული წვლილისა და ახალგაზრდა სპორტსმენების აღზრდის საქმეში დიდი დამსახურებისათვის
• ვახტანგ გორგასლის II ხარისხის ორდენი
• საპატიო ნიშნის ორდენი
• შრომის წითელი დროშის ორდენი