იმედა კახიანი

დაბადების ადგილი: სოფელი ეწერი, სამტრედიის რაიონი.

1956-1959 წლებში სწავლობდა საქართველოს შოთა რუსთაველის სახელობის თეატრალური ინსტიტუტში.

მისი დებიუტი შედგა ჯერ კიდევ სტუდენტობის დროს, 1957 წელს, ფილმ "საბუდარელ ჭაბუკში" (განასახიერა გოგიტას როლი). სხვა როლები: ზურაბი ("განაჩენი", 1959), ზაზა ("დედის ხელი", 1959), ვახტანგი ("პაპა გიგია", 1960), გელა ("თეთრი ქარავანი", 1963), ტატიშვილი ("აფეთქებული ჯოჯოხეთი", 1967), ბარათაშვილი ("24-25 არ ბრუნდება", 1968), ვარლამი ("ჯვარცმის კუნძული", 1968), ანდრო ("გაქცევა განთიადისას", 1975), პლატონი ("სამანიშვილის დედინაცვალი", 1977) გოგი ("დათა თუთაშხია", 1978), და სხვა. ასრულებს ძირითადად სახასიათო როლებს. მისი საშემსრულებლო მანერა გამოირჩევა აქტიორული ოსტატობითა და შინაგანი სიღრმით. 

წყარო: თბილისი – ენციკლოპედია. – თბ., 2002 – გვ.589; ეროვნული ფილმოგრაფია: geocinema.ge; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 1997. - გვ.82

• საქართველოს კინემატოგრაფისტთა შემოქმედებითი კავშირი, წევრი

• 2023 - თბილისის საპატიო მოქალაქე
• 1997 - ღირსების ორდენი
• 1979 - საქართველოს სახალხო არტისტი
• 1967 - საქართველოს დამსახურებული არტისტი