მურმან ლომთათიძე

დაბადების ადგილი: ქ. ქუთაისი.

1955-1962წწ. იყო ქუთაისის ახალგაზრდობის ხალხური ცეკვის ანსამბლის, 1962-1968წწ. თბილისის მაუდ-კამვოლის კომბინატის "საბჭოთა საქართველოს" ქორეოგრაფიული ანსამბლების ხელმძღვანელი, 1968-1974წწ. თბილისის ტრამვაი-ტროლეიბუსის სამმართველოს სიმღერისა და ცეკვის ანსამბლის "სინათლე" მთავარი ქორეოგრაფი; საქართველოს ხალხური ცეკვის ანსამბლის სოლისტი; 1974 წლიდან პროფკავშირების კულტურის სახლის მთავარი ქორეოგრაფი; ქორეოგრაფიული ანსამბლის "თბილისი" სამხატვრო ხელმძღვანელი; დადგმული აქვს ცეკვები: ზ. ფალიაშვილი "დაისი", ვ. დოლიძე "ქეთო და კოტე"(ქუთაისის საოპერო თეატრი), ო. თაქთაქიშვილი "მინდია"(მინსკის საოპერო თეატრი, ტარტუს საოპერო თეატრი), სპექტაკლი-კონცერტი "საგალობელი თბილისს". 2016 წელს ქ. ქუთაისში  მისი საცხოვრებელი სახლის კედელზე მემორიალური დაფა გაიხსნა.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 289; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.221

• საქართველოს ქორეოგრაფთა კავშირი, თავმჯდომარის მოადგილე

• 1997 - ღირსების ორდენი
• 1994 - ღირსების მედალი
• 1980 - საქართველოს სახალხო არტისტი
• 1972 - მონღოლეთის რევოლუციის ორდენი
• 1970 - საქართველოს კომკავშირის პრემია