საულ კახიანი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტი 1944 წელს.

მუშაობდა თბილისის სასწრაფო დახმარების საავადმყოფოს ქირურგიულ განყოფილებაში. 1949-1952წწ. თბილისის სახელმწიფო სამედიცინო ინსტიტუტის ტოპანატომიისა და ოპერაციული ქირურგიის კათედრის ასპირანტი, ადამიანის ანატომიის კათედრის ასისტენტი; 1952 წლიდან იყო თბილისის ექიმთა დახელოვნების სახელმწიფო ინსტიტუტის ტოპოგრაფიული ანატომიისა და ოპერაციული ქირურგიის კათედრის გამგე; 1963–1972წწ. ამავე ინსტიტუტში ქირურგიული ფაკულტეტის დეკანი; 1972 წლიდან პრორექტორი სამეცნიერო დარგში; 1986–1992წწ. არჩეული იყი თბილისის სახელმწიფო სამედიცინო ინსტიტუტის ტოპოგრაფიული ანატომიის და ოპერაციული ქირურგიის კათედრის გამგედ; ს. კახიანმა შეისწავლა ზედა კიდურების სისხლძარღვებისა და ნერვების ტოპოგრაფია, მუცლის ღრუს ტოპანატომია და სხვ. იგი 100-მდე მეცნიერული ნაშრომის, 14 მონოგრაფიის, 4 სახელმძღვანელოს, 2 გამოგონებისა და 3 რაციონალური წინადადების ავტორია. ქართული მეცნიერული ქირურგიული სკოლის ერთ–ერთი ფუძემდებლის ნიკოლოზ კახიანის შვილი და ზაალ კახიანის ძმა. ქირურგი, მედიცინის მეცნიერებათა დოქტორი (1960), პროფესორი (1961).

წყარო: თბილისი – ენციკლოპედია. – თბ., 2002 – გვ.589; საქართველოს სამედიცინო კალენდარი, 2006 წელი / ჯუმბერ ქორჩილავა .-თბ.,2006.-გვ.185-186; საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge

• 1992 - ზაზა ფანასკერტელ-ციციშვილის სახელობის პრემია
• 1982 - საქართველოს მეცნიერებათა დამსახურებული მოღვაწე
• 1980 - საქართველოს სახელმწიფო პრემია
  პრემია მინიჭებული ჰქონდა კოლექტიური შრომისათვის ციკლიდან ანატომიისა და ადამიანის ექსპრესიონოლოგიაში

• ადამიანის ანატომია : სახელმძღვ. სტუდენტებისათვის (ავტორი). - თბილისი, თბილ. უნ-ტის გამ-ბა, 1970. - 286გვ.