ვაჟა ერიაშვილი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის ფარმაციის ფაკულტეტი 1966 წელს.

1966-1968წწ. მუშაობდა ი. ქუთათელაძის სახელობის ფარმაკოქიმიის ინსტიტუტში. 1968-1968წწ. პერინატალური მედიცინისა და მეანობა-გინეკოლოგიის სამეცნიერო-კვლევით ინსტიტუტში სხვადასხვა თანამდებობებზე. ამავე ინსტიტუტში მისი ხელმძღვანელობით ჩამოყალიბდა ბიოფარმაციის სამეცნიერო-კვლევითი ლაბორატორი - 1989 წლიდან ბიოფარმაციის სამედიცინო ცენტრი. 1978-1993წწ. იყო თბილისის სახელმწიფო სამედიცინო ინსტიტუტის წამალთა ტექნოლოგიის კათედრის თანამშრომელი, 1997 წლიდან თბილისის სახელმწიფო სამედიცინო ინსტიტუტის სოციალური და კლინიკური ფარმაციის კათედრის, შემდეგ დეპარტამენტის ხელმძღვანელი. ვაჟა ერიაშვილის სამეცნიერო მუშაობის ძირითადი სფეროა წამალთა ტექნოლოგია ბიოფარმაცევტული, ფარმაკოკინეტიკური და ფარმაკოდინამიკური გამოკვლევებით. არის სამეცნიერო შრომების, 32 მეთოდური რეკომენდაციისა და 3 სახელმძღვანელოს ავტორი. ფარმაციის მეცნიერებათა დოქტორი (1992), პროფესორი (1995), ფარმაცევტი.

წყარო: საქართველო: ენციკლოპედია: ტ.III.–თბ., 2014.–გვ.52

• ინტერკონტინენტური სამედიცინო-სოციალურ მეცნიერებათა აკადემია OGASh(Organizatzion gestosis affiliated and sponsored hospitals), საპატიო აკადემიკოსი (2006-)
• საქართველოს სამედიცინო-სოციალურ მეცნიერებათა აკადემია, წევრი (1998-)

• ჯანდაცვის მენეჯმენტი და ადმინისტრირება ფარმაციაში (რედაქტორი). - თბილისი, ნეკერი, 2013. - 190გვ.
• მაგისტრალურ წამალთა ტექნოლოგია : სახელმძღვ. (რედაქტორი). - თბილისი, 2011. - 296გვ.
• სამედიცინო და ფარმაცევტული საქონელმცოდნეობა : სახელმძღვ. ფარმაც. პროფ. სტუდენტებისა და სპეციალისტებისათვის (რედაქტორი). - თბილისი, 2006. - 401გვ.
• სოციალური ფარმაცია : სახელმძღვ. თბილ. სახელმწ. სამედ. უნ-ტის სტუდენტებისა და ფარმაცევტებისათვის (ავტორი). - თბილისი, 2001. - 350გვ.