თენგიზ ეპიტაშვილი

დაბადების ადგილი: ქ. თბილისი.

დაამთავრა თბილისის სამხედრო სასწავლებელი 1957 წელს; მოსკოვის მ. ფრუნზეს სახელობის სამხედრო აკადემია.

1957-1972წწ. მსახურობდა ამიერკავკასიის სასაზღრო ოლქის ჯარებში სხვადასხვა თანამდებობაზე; 1978-1983წწ. იმყოფებოდა ავღანეთში საბჭოთა მთავრობის სპეცდავალებების შესასრულებლად (პოლკოვნიკი); 1988-1993წწ. იყო საქართველოს რესპუბლიკის შინაგან საქმეთა მინისტრის მოადგილე, სახელმწიფო საბჭოს რწმუნებული შიდა ქართლში, ქ. ცხინვალის კომენდანტი, 1993-1997წწ. საქართველოს სასაზღვრო ჯარების მთავარი შტაბის უფროსი, სახელმწიფო საზღვრის დაცვის დეპარტამენტის თავმჯდომარის პირველი მოადგილე. დაჯილდოებულია 4 ორდენით და 16 მედლით. სამხედრო მეცნიერებათა კანდიდატი (1977), გენერალ-მაიორი (1995).

წყარო: საქართველო: ენციკლოპედია: ტ.III.–თბ., 2014.–გვ. 29; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.430

• 1996 - ვახტანგ გორგასლის II ხარისხის ორდენი
  ქართული სასაზღვრო ჯარის ჩამოყალიბებაში და ახალგაზრდა მესაზღვრეთა საქმეში შეტანილი დიდი წვლილისათვის
• სსრკ საპატიო მესაზღვრე