გივი ლორთქიფანიძე

დაბადების ადგილი: სოფელი დიდიჯიხაიში, სამტრედიის რაიონი.

დაამთავრა თბილისის I მუსიკალური სასწავლებელი 1947 წელს, თბილისის პოლიტექნიკური ინსტიტუტი 1948 წელს(სამშენებლო), ვანო სარაჯიშვილის სახელობის თბილისის სახელმწიფო კონსერვატორია 1952 წელს(საკომპოზიტორო).

1939-1945წწ. იყო ფინეთისა და სსრკ-გერმანიის ომის მონაწილე; 1952-1953წწ.  ქ. ქუთაისის დრამატული თეატრის კომპოზიტორი, 1953-1967წწ. თბილისის კულტსაგანმანათლებლო სასწავლებლის მხატვრული თვითშემოქმედების სასწავლო ნაწილის გამგე და პედაგოგი(თეორიული საგნები); 1956-1959წწ. თბილისის I მუსიკალური სასწავლებლის პედაგოგი(თეორიული საგნები); 1959-1961წწ. ვ. სარაჯიშვილის სახელობის თბილისის სახელმწიფო კონსერვატორიის საგუნდო-სადირიჟორო კათედრის პედაგოგი(დირიჟორობა, თეორიული საგნები), 1970 წლიდან დოცენტი, 1978 წლიდან პროფესორი, 1972-1978წწ. პრორექტორი; მოწაფეები, ქორმაისტერები: ა. ერქომაიშვილი, ბ. თოიძე, გ. მუჯირი, თ. ანდღულაძე, გ. მუნჯიშვილი, ე. სანაძე, ა. მამაცაშვილი, კომპოზიტორები: თ. ბაკურაძე, ჯ. ბეგლარიშვილი, რ. კაჟილოტი, ზ. ხაბალოვა, ვ. ჭკადუა, მუსმცოდნეები: დ. რუხაძე, რ. ქუთათელაძე, მ. ჭოღოშვილი; დააარსა და ხელმძღვანელობდა: თბილისის სახელმწიფო კონსერვატორიის სტუდენტურ ანსამბლს "მოტეტი", "გორდელა"; თხზულებები: სიმებიანი კვინტეტი(1952), საფორტეპიანო პრელუდია(1953), საფორტეპიანო "ვარიაციები"(1956), გუნდები: "მუმლი მუხასა"(ქართული ხალხური სიმღერა. დამუშავება შერეული გუნდისათვის(1966)), "ფოთოლს უყვარს"(1970), "საქართველოს მთებზე"(1970), "ია" ქალთა გუნდისათვის(1971); მუსიკალურ დრამატული სპექტაკლები: "მირანგულა", "ახალგაზრდა მასწავლებელი", "ქარიშხლის წინ"(ქუთაისის დრამატული თეატრი).

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 290

• 1967 - საქართველოს ხელოვნების დამსახურებული მოღვაწე
• 1942 - მედალი "ლენინგრადის დაცვისთვის"