ანზორ კიკნაძე

დაბადების ადგილი: სოფელი ბადიაური, საგარეჯოს რაიონი.

იყო ქართველი ძიუდოისტი, სსრკ სპორტის დამსახურებული ოსტატი, ევროპის 9-გზის ჩემპიონი (1962, 1964–66, აბსოლუტური; 1962–1964, 1966–1967, გუნდური) და 2-გზის ვერცხლის პრიზიორი (1967, 1968), მსოფლიო ჩემპიონატის 2-გზის ბრინჯაოს მედლის მფლობელი (1965, 1967). მონაწილეობა მიიღო 1964 წლის ტოკიოს ოლიმპიურ თამაშებზე, სადაც ბრინჯაოს მედალი მოიპოვა (+80 კგ.); 1985 წლიდან თბილისში რეგულარულად ტარდება მისივე სახელობის ჭაბუკ ძიუდოისტთა ტურნირი. იგი, ასევე, წარმატებულად მუშაობდა დირექტორად ხარაგაულის, სიონის და ქარელის საკონსერვო და ხილ–კენკროვანი მეღვინეობის ქარხნებში.

წყარო: თბილისი – ენციკლოპედია. – თბ., 2002 – გვ.595; საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge;  საქართველო: ენციკლოპედია: ტ.5. -თბ.,2023. -გვ. 29