ლევან კობერიძე

დაამთავრა თბილისის სახელმწიფო სამედიცინო უნივერსიტეტი 1996 წელს. 2006-2007წწ. სტოკჰოლმის ეკონომიკის სკოლაში სწავლობდა ბიზნეს-ადმინისტრირებასა და სტრატეგიულ მარკეტინგს; 1999-2003წწ. მსოფლიოს წამყვან პიარსააგენტოებსა და უნივერსიტეტებში გაიარა მარკეტინგისა და კომუნიკაციების სპეციალური პროგრამები.

1996-1998წწ. სარეკლამო სააგენტო "აუდიენციის" კომერციული დირექტორი და სარეკლამო დეპარტამენტის უფროსი; 1998-2000წწ. მუშაობდა მარკეტინგის მენეჯერად სადისტრიბუციო კომპანიაში "ალიანს კავკასია", რომელიც წარმოადგენდა საერთაშორისო ალკოჰოლური ბრენდების ("ჰეინეკენი", "მარტინი-ბაკარდი" და სხვა) ექსკლუზიურ იმპორტიორსა და დისტრიბუტორს ამიერკავკასიაში; 2000-2007წწ. ბრენდმენეჯერი და გაყიდვების დირექტორი ქართული ღვინისა და ალკოჰოლური სასმელების კომპანიაში - "GWS/პენო რიკარის ჯგუფი“; 2005 წლიდან ბრენდინგისა და სტრატეგიული მარკეტინგის კომპანია branding.ge-ს მმართველი პარტნიორი. არის ინტელექტუალური სატელევიზიო გადაცემის "რა? სად? როდის?" ქართული კლუბის ერთ-ერთი დამფუძნებელი.

წყარო: საქართველოს პარლამენტის ვებგვერდი: parliament.ge

• საქართველოს მე-9 მოწვევის პარლამენტი, წევრი (2016-2020)
• საქართველოს მე-9 მოწვევის პარლამენტის ფრაქცია "ქართული ოცნება", წევრი (2016-)
• საქართველოს ღვინის მწარმოებელთა კავშირი, თავმჯდომარე (2005-2008)