რომანოზ ერისთავი

XVIII საუკუნის I ნახევრის საეკლესიო მოღვაწე, მიტროპოლიტი. არაგვის ერისთავთა შთამომავალი. მოღვაწეობდა დავით გარეჯში, სადაც ბერად აღიკვეცა. XVIII საუკუნის 20-იან წლებში ცხოვრობდა მოსკოვში, დონის მონასტერში. მას ეკუთვნის საგალობელი დოდო გარეჯელზე, ამავე წმინდანისადმი მიძღვნილი ჰაგიოგრაფიული თხზულება-სვინაქსარული ცხოვრება; კომპილაციური ხასიათის წიგნი "წინწილი ღაღადებისა", რომელშიც თავმოყრილია გამოკრებილი ადგილები სახარება-სამოციქულოდან და დავითნიდან და სხვ. 

წყარო: საქართველო: ენციკლოპედია: ტ.III.–თბ., 2014.–გვ.63; Большая биографическая энциклопедия: Роман (Романоз) Эристов-Арагвский (academic.ru)