მაკინე ამირეჯიბი

დაბადების ადგილი: სოფელი ბრეთი, ქარელის რაიონი.

მკვლევართა გარკვეული ნაწილი მაკინე ამირეჯიბის ოჯახს(სოფ. საღოლაშენში) მიიჩნევს მწერლებისა და ხელოვნების მოღვაწეთა შეკრების და საკუთარი შემოქმედების გამომზეურების ერთ-ერთ თავშესაყრელად, ლიტერატურულ სალონად; იშვიათი იყო მისი სიმღერა და აგრეთვე იშვიათი - მისი ლეკური; სარდიონ ამირეჯიბიც(მეუღლე) ყოველ საქმეში უწყობდა მას ხელს; მაკინეს იცნობდნენ არა მარტო საღოლაშენში, არამედ მთელ საქართველოში; 1899 წელს სოფელ წვერში აბელ კალატოზიშვილის ოჯახში აკაკი წერეთელი დიდად მოიხიბლა მაკინეს ხმით, ლეკურით, მისი მდიდარი შინაგანი სამყაროთი; სარდიონ და მაკინე ამირეჯიბების წყალობით დაარსებულა საღოლაშენში სამწლიანი სკოლა; საღოლაშენში მათი სტუმრები იყვნენ: ილია ჭავჭავაძე, აკაკი წერეთელი, შიო არაგვისპირელი, გიორგი არადელი-იშხნელი, ვალერიან გუნია, ვასო აბაშიძე, ზაქარია ფალიაშვილი, ვანო სარაჯიშვილი, შალვა დადიანი და სხვა მრავალი ცნობილი ადამიანი; ის იყო ქველმოქმედი.

წყარო:karibche.ambebi.ge