ალექსანდრე მაისურაძე

დაბადების ადგილი: ქ. თბილისი.

დაამთავრა თბილისის გიმნაზია.

მღეროდა ზ. ფალიაშვილის გუნდში; 1916 წელს დაიწყო სწავლა ქართული ფილარმონიული საზოგადოების სკოლაში, საგუნდო სიმღერისა და მუსიკის თეორიის კლასში, პედაგოგი ზ. ფალიაშვილი; 1918 წელს ჩამოაყალიბა მუშა-მოსამსახურეთა გუნდი და მართავდა კონცერტებს თბილისსა და საქართველოს სხვა ქალაქებსა და დაბებში; 1928-1930წწ. სწავლობდა თბილისის კონსერვატორიაში; მოგზაურობდა საქართველოს სხვადასხვა კუთხეებში, სადაც ჩაწერა მრავალი ქართული ხალხური სიმღერა; აქვეყნებდა სტატიებს ქართული ხალხური მუსიკის შესახებ; ეწეოდა პედაგოგიურ მოღვაწეობას თბილისის სასწავლებლებში სიმღერის მასწავლებლად; ასევე ეწეოდა საკომპოზიტორო მოღვაწეობასაც; მისი თხზულებები: "გასწი ნიავო", "სანადიმო", "მერანი", "აღარ იძვრის ტყე", "სამშობლოვ სად გაქრა დრო დიდებული", "სატრფო ხშირად"; განზრახული ჰქონდა ქართულ ისტორიულ თემაზე ოპერა "ქალის ცბიერება"-ს დაწერა(მეფე-ერეკლე II-ის ცხოვრებიდან), მაგრამ მხოლოდ რამდენიმე ფრაგმენტის დაწერა მოასწრო; ლოტბარი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 293