ელენე ერისთავი

დაბადების ადგილი: ქ. თბილისი.

დაამთავრა თბილისის ვ. ლევცანდოვსკის კერძო გიმნაზია. თბილისის სახელმწიფო პოლიტექნიკური ინსტიტუტის სასოფლო-სამეურნეო ფაკულტეტი 1923 წელს.

1932-1936წწ. იყო სკრის(გორი) მეხილეობის საცდელი სადგურის ხეხილოვანი კულტურების სელექციის განყოფილების გამგე, 1938-1956წწ. დირექტორის მოადგილე სამეცნიერო ნაწილში. 1941-1947წწ. სამეცნიერო-პედაგოგიურ მოღვაწეობას ეწეოდა საქართველოს სასოფლო-სამეურნეო ინსტიტუტის მეხილეობის კათედრაზე. 1956-1973წწ. ხელმძღვანელობდა მებაღეობის, მევენახეობისა და მეღვინეობის სამეცნიერო-კვლევითი ინსტიტუტის ხეხილოვანი კულტურების სელექციისა და ჯიშთმცოდნეობის განყოფილებას. მისი თაოსნობით ჰიბრიდიზაციისა და ინტროდუქციის შედეგად მიღებული, შესწავლილი და წარმოებაში დანერგილია თესლოვანი, კურკოვანი და კენკროვანი კულტურების მაღალხარისხოვანი ჯიშები, გამდიდრებულია საქართველოს ხეხილოვანი კულტურების ასორტიმენტი. ელენე ერისთავმა გამოიყვანა ატმის ჯიშები: სანდო, პიონერი, გორული საადრეო, ერისთავის ვარდისფერი, ნობათი. პირველი  ქართველი სელექციონერი ქალი.

წყარო: საქართველო: ენციკლოპედია: ტ.III.–თბ., 2014.–გვ.59

• ქლიავი : გლეხის ბიბლიოთეკა (ავტორი). - ტფილისი, საბჭოთა კავკასიონი(ზარია ვოსტოკას სტ.), 1925