ტატიანა მალიშევა

დაბადების ადგილი: ქ. მოსკოვი.

დაამთავრა მოსკოვის კონსერვატორია 1953 წელს.

1953 წლიდან, ჯერ კიდევ სტუდენტი, იყო თბილისის ოპერისა და ბალეტის თეატრის წამყვანი სოლისტი(მეცო-სოპრანო); ქართული რეპერტუარი: ნანო(ზ. ფალიაშვილი "დაისი"), დარეჯანი(მ. ბალანჩივაძე "დარეჯან-ცბიერი"), რუსუდანი(რ. გაბიჩვაძე "ნანა"); სხვა რეპერტუარი: კარმენი(ბიზე "კარმენი"), ამნერისი, აზუჩენა(ვერდი "აიდა", "ტრუბადური"), ორტრუდა(ვაგნერი "ლოენგრინი"), ჟანა დ'არკი, პოლინა, გრაფინია, ოლგა(ჩაიკოვსკი "ორლეანელი ქალწული", "პიკის ქალი", "ევგენი ონეგინი"), ლიუბაშა(რიმსკი-კორსაკოვი "მეფის საცოლე"), რატმირი(გლინკა "რუსლან და ლუდმილა"), მარინა მნიშეკ(მუსორგსკი "ბორის გოდუნოვი"), ფროსია(პროკოფიევი "სიმიონ კოტკო"); ჰქონდა მდიდარი კამერული რეპერტუარი; საქართველოში მოღვაწე რუსი საოპერო და კამერული მომღერალი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ.294; წიგნი ღირსებისა: ტ. 5 / შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.104

• 2000 - ღირსების ორდენი
• 1979 - საქართველოს სახალხო არტისტი