ნათელა მამალაძე-გოგლიძე

დაბადების ადგილი: ქ. თბილისი.

დაამთავრა თბილისის ვანო სარაჯიშვილის სახელობის სახელმწიფო კონსერვატორიის მუსიკათმცოდნეობის ფაკულტეტი (ვ. გურევიჩის ხელმძღვანელობით) 1974 წელს.

სხვადასხვა დროს ასწავლიდა მუსიკალურ სკოლა-სტუდიებში თეორიულ საგნებს. 1988 წელს მუსიკალურ-საინფორმაციო ცენტრში (საქმუსიკფორმი) მუშაობს, ხოლო 1993 წელს მისი დირექტორია. ნ. გოგლიძე-მამალაძე მონაწილეობდა AMIC-ის (მუსიკალურ-საინფორმაციო ცენტრების საერთაშორისო ასოციაცია) კონფერენციებში: ამსტერდამში (1994), პარიზში (1996), ბრატისლავაში (1997), ვენაში (1998). 1993 წელს მონაწილეობს კონცერტების ციკლის "ქართული მუსიკის სიახლენის" ორგანიზებაში, იგი მუსინფორმაციის მიერ გამოცემული ჟურნალების "Музыкальная Грузия" და "Musical Georgia" ერთ-ერთი დამფუძნებელია. პრესაში აქტიურად ეწევა თანამედროვე ქართული მუსიკის პროპაგანდას. მუსიკისმცოდნე-თეორეტიკოსი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 294; 2007 წლის საიუბილეო თარიღები: თეატრი, მუსიკა, კინო, ქორეოგრაფია.- თბ., 2007.- გვ.68; საქართველოს კომპოზიტორთა კავშირი: composersunion.ge

• საქართველოს კომპოზიტორთა კავშირი, წევრი (2003-2008)