ბარბარე მამამთავრიშვილი-ანდღულაძისა

დაბადების ადგილი: ქ. თბილისი.

დაამთავრა თბილისის ქალთა მესამე გიმნაზია 1917 წელს, თბილისის სახელმწიფო კონსერვატორია 1924 წელს.

1924-1932წწ. იყო თბილისის ოპერისა და ბალეტის თეატრის წამყვანი სოლისტი(სოპრანო); 1924 წელს შედგა მისი საოპერო დებიუტი - ეთერი(ზ. ფალიაშვილი "აბესალომ და ეთერი"); ქართული რეპერტუარი: ეთერი(ზ. ფალიაშვილი "აბესალომ და ეთერი"), რუსუდანი(დ. არაყიშვილი "თქმულება შოთა რუსთაველზე"); სხვა რეპერტუარი: თამარი, პოპეა საბინა(რუბინშტეინი "დემონი", "ნერონი"), ნედა(ლეონკავალო "ჯამბაზები"), ოლიმპია(ოფენბახი "ჰოფმანის ზღაპრები"); მომღერლისა და პედაგოგის დ. ანდღულაძის მეუღლე, მომღერლისა და პედაგოგის ნ. ანდღულაძის დედა.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 294