მამია კომახიძე

დაბადების ადგილი: ქ. ბათუმი.

დაამთავრა თბილისის სახელმწიფო სამედიცინო ინსტიტუტი 1930 წელს.

სხვადასხვა დროს მუშაობდა ა. ნათიშვილთან, გ. მუხაძესთან, ვ. ტონკოვთან, ს. იუდინთან; 1937-1940წწ. მუშაობდა აჭარის ასსრ ჯანდაცვის სახალხო კომისრად; 1946–1958წწ. იყო საქართველოს მეცნიერებათა აკადემიის ექსპერიმენტული მორფოლოგიის ინსტიტუტის ექსპერიმენტული ანატომიის განყოფილების გამგე; 1960–1980წწ. თბილისის სახელმწიფო სამედიცინო ინსტიტუტის ჰოსპიტალური ქირურგიის კათედრის გამგე; 1961–1971წწ. საქართველოს ჯანდაცვის სამინისტროს მთავარი ქირურგი; შეისწავლიდა მიკროცირკულაციის პრობლემებს, მუცლის ღრუს ორგანოების ქირურგიულ დაავადებათა კლინიკას, დიაგნოსტიკასა და მკურნალობას, პერიფერიული და ცენტრალური ნერვული სისტემის ტრავმულ დაზიანებას და სხვა. ავტორია ქირურიგიის სახელმძღვანელოსი. მედიცინის მეცნიერებათა დოქტორის, აკადემიკოს ნინო ჯავახიშვილის მეუღლე. ქირურგი, მედიცინის მეცნიერებათა დოქტორი (1943), პროფესორი (1948).

წყარო: თბილისი – ენციკლოპედია. – თბ., 2002 – გვ.607; ქართული საბჭოთა ენციკლოპედია: ტ.5.-თბ.,1980 .-599; საქართველო: ენციკლოპედია: ტ.5. -თბ.,2023. -გვ. 136; საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.693; ამბავი დიდი სიყვარულისა და მიუღებელი ნობელის პრემიისა / გურამ ტატიშვილი ; ესაუბრა თამარ არქანია და ნინია მაჭარაშვილი //ავერსი.- თბილისი, 2013.-N7(102).-გვ.70-71

• საქართველოს ქირურგთა სამეცნიერო საზოგადოება, თავმჯდომარე (1973-1980)
• სსრკ მედიცინის მეცნიერებათა აკადემია, აკადემიკოსი (1971-)

• 1975 - საქართველოს სახელმწიფო პრემია
• 1971 - ივანე თარხნიშვილის სახელობის პრემია
• 1961 - საქართველოს მეცნიერებათა დამსახურებული მოღვაწე
• საპატიო ნიშნის მედალი
• საპატიო ნიშნის ორდენი
• ლენინის ორდენი
• შრომის წითელი დროშის ორდენი

• ნაწლავის გარეთა ფისტულები და მისი მკურნალობა (ავტორი). - თბილისი, საბჭ. საქართველო, 1970. - 131გვ.
• ჰოსპიტალური ქირურგია : კლინიკური ლექციები (ავტორი). - თბილისი, განათლება, 1969. - 424გვ.
• ღვიძლის ქირურგია (ავტორი). - თბილისი, საბჭ. საქართველო, 1963. - 258გვ.