ვლადიმერ ზამბახიძე

დაბადების ადგილი: ქ. ფოთი.

დაამთავრა თბილისის უნივერსიტეტის სიბრძნისმეტყველების ფაკულტეტი 1923 წელს.

ჭაბუკობიდანვე ჩაება შრომით საქმიანობაში; მუშაობა დაიწყო გაზეთ "საბჭოთა მასწავლებლის" რედაქციაში; 1963 წლიდან თბილისის სახელმწიფო უნივერსიტეტის პედაგოგიკის კათედრის პროფესორია; მისმა მეცნიერულმა და შემოქმედებითმა ინტერესებმა იგი აქცია ქართული პედაგოგიური აზროვნებისა და XIX საუკუნის ქართული ლიტერატურის ისტორიის მკვლევარად; მისი ნაშრომებიდან აღსანიშნავია "ილია ნაკაშიძე", "ლიტერატურული წერილები", "დიდი სამოციანელი", "ნიკო ნიკოლაძის პედაგოგიური იდეები"; მან განსაკუთრებული ამაგი დასდო ნიკო ნიკოლაძის მოღვაწეობისა და მემკვიდრეობის კვლევას; იგი იყო მის თხზულებათა მრავალტომეულის რედაქტორიც.

წყარო: მამულიშვილთა სავანე. - თბ., 1994. - გვ.155

• საპატიო ნიშნის ორდენი
• შრომის წითელი დროშის ორდენი

• კედლის გაზეთი საკლუბო დაწესებულებებში (ავტორი). - თბილისი, საქ. სახელმწ. წიგნის პალატის გამ-ბა, 1947. - 22გვ.
• ილია ნაკაშიძე : ცხოვრება და მოღვაწეობა (ავტორი). - თბილისი, საბლიტგამი, 1947. - 68გვ.