ლევ მარკიზი

დაბადების ადგილი: ქ. მოსკოვი.

დაამთავრა მოსკოვის გნესინების სახელობის მუსიკალური ინსტიტუტი 1956 წელს(სავიოლინო).

1937 წელს სწავლობდა ქ. მოსკოვის N2 მუსიკალურ სკოლაში(ვიოლინო), შემდეგ  გადავიდა მოსკოვის კონსერვატორიასთან არსებულ სპეციალურ მუსიკალურ სკოლაში(ვიოლინო, კამერული ანსამბლი); დირიჟორობას დაეუფლა კ. კონდრაშინის ხელმძღვანელობით; 1946-1955წწ. იყო მოსკოვის კინოთეატრების ორკესტრებისა და სსრკ სახელმწიფო კინემატოგრაფიის სიმფონიური ორკესტრის მევიოლინე; 1956-1963წწ. მოსკოვის კამერული ანსამბლის სოლისტი და წევრი; 1963-1981წწ. მის მიერ დაარსებული მოსკოვის სოლისტთა კამერული ორკესტრის "მოსკოვის სოლისტების" სოლისტი და დირიჟორი"; როგორც კამერული ანსამბლის წევრი და დირიჟორი თანამშრომლობდა: რიხტერი, გილელსი, ოისტრახი, კოგანი, შაფრანი, როსტროპოვიჩი, იუდინა, გუტმანი; ქართველ მუსიკოსებთან: ე. ვირსალაძე, ე. და ლ. ისაკაძეები, ა. კორსანტია, ა. თორაძე; 1956 წელს შედგა მისი პირველი გასტროლი საქართველოში(თბილისი), როგორც სოლისტისა და ორკესტრის კონცერტმაისტერისა მოსკოვის კამერულ ორკესტრთან ერთად; 1960 წლიდან რეგულარულად გამოდის საქართველოს კამერულ, რადიოს, სახელმწიფო სიმფონიურ ორკესტრებთან ერთად; 1978 წელს მოწვეულ იქნა ვ. სარაჯიშვილის სახელობის თბილისის სახელმწიფო კონსერვატორიის სტუდენტური ორკესტრის ხელმძღვანელად(დირიჟორ ო. საფარიშვილთან ერთად); ორკესტრმა ქ. ვენაში ჰ. კარაიანია სახელობის კონკურსში მოიპოვა გრან პრი და პირველი ადგილი; 1981 წლიდან ემიგრირებულია ევროპაში, ნიდერლანდებში; 1988 წელს ამსტერდამის "New Sinfoniete"-ს დირიჟორი და სამხატვრო ხელმძღვანელი; 2002 წელს ხელმეორედ მოიწვიეს თბილისის კონსერვატორიის სტუდენტური ორკესტრის დირიჟორად; ქართული რეპერტუარი: კვერნაძის, მაჭავარიანის, ნასიძის, ყანჩელის, შილაკაძის, ცინცაძის მრავალი ნაწარმოები; ამსტერდამში გამართა მისადმი მიძღვნილი გ. ყანჩელის "Abi de viderum"-ის პრემიერა(1998); 2005 წელს საქართველოს კამერულ ორკესტრთან ერთად გ. ყანჩელის საიუბილეოდ გამართა კონცერტები, სადაც შესრულდა გ. ყანჩელის ის ნაწარმოებები, რომლებიც თბილისში არ იყო შესრულებული; გასტროლები: სსრკ, აშშ, ევროპისა და აზიის მრავალი ქალაქი; არის ჰოლანდიის ნიდერლადნული ლომის ორდენის რაინდი (1998), ვანო სარაჯიშვილის სახელობის თბილისის სახელმწიფო კონსერვატორიის საპატიო პროფესორი (2003). მევიოლინე.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 298

• 2003 - თბილისის საპატიო მოქალაქე