ვასილ კაკაბაძე

დაბადების ადგილი: ქ. ხონი.

სწავლობდა ხარკოვის ტექნოლოგიური ინსტიტუტში 1909-1916წწ..

ინსტიტუტში სწავლის პერიოდში აქტიურად მონაწილეობდა სტუდენტურ მოძრაობაში, თანამშრომლობდა ქართულ პრესაში; ინსტიტუტის დამთავრების შემდეგ მუშაობას იწყებს სამხედრო გზების მშენებლობაზე ერზრუმის რაიონში; 1918 წლიდან საქართველოშია და მთელ ძალისხმევას ახმარს ჩვენში ტექნიკური განათლების სათანადო დონეზე დაყენების საქმეს: სათავეში უდგას ამიერკავკასიის პირველ ტექნიკურ სასწავლებელს, არის საქართველოს ტექნიკური საზოგადოების მდივანი; მისი აქტიური მონაწილეობით გაიხსნა თბილისის უნივერსიტეტში პოლიტექნიკური ფაკულტეტი, რომელიც 1929 წელს გამოეყო და გაფორმდა ინდუსტრიულ ინსტიტუტად; აქ იგი 15 წელიწადს ქიმიურ-ტექნიკურ ფაკულტეტს ხელმძღვანელობდა როგორც დეკანი, ხოლო სამი ათეული წლის მანძილზე განაგებდა კათედრას; მისი მეცნიერული მემკვიდრეობა 250-ზე მეტ შრომას მოიცავს, ამასთანავე იყო საქართველოში ტექნიკური აზროვნების აქტიური პროპაგანდისტი და დიდი პოპულარიზატორი, კერძოდ მეცნიერის ქმედითი მონაწილეობით დაარსდა პირველი ქართული ტექნიკური ხასიათის ჟურნალი ტექნიკა და ცხოვრება, რომლის პირველი რედაქტორიც თვითონ იყო; ქიმიკოსი, დოქტორი, პროფესორი.

წყარო: მამულიშვილთა სავანე. - თბ., 1994. - გვ.196

• დ. მენდელეევის სახელობის საკავშირო ქიმიური საზოგადოების რესპუბლიკური გამგეობა, თავმჯომარე
• ქართული ტექნიკური ტერმინოლოგიის კომისია, თავმჯდომარე

• საქართველოს მეცნიერებათა დამსახურებული მოღვაწე
• შრომის წითელი დროშის ორდენი

• ქიმიური მრეწველობა და მისი განვითარების პერსპექტივები საქართველოში (ავტორი). - თბილისი, საბჭ. საქართველო, 1967. - 35გვ.
• ქიმიური სასუქების ტექნოლოგია : დამხმ. სახელმძღვ. პოლიტექნ. ინ-ტის სტუდენტებისათვის (თანაავტორი). - თბილისი, განათლება, 1967. - 246გვ.
• ქიმია ადამიანის სამსახურში (ავტორი). - ტფილისი, ტეხნიკა და შრომა, 1932. - 67 გვ.