საურმაგ კაკაბაძე

დაბადების ადგილი: ქ. თბილისი.

დაამთავრა თბილისის უნივერსიტეტის დასავლეთ ევროპის ენისა და ლიტერატურის ფაკულტეტის ფრანგული განყოფილება 1950 წელს; დაუსწრებლად ქუთაისის პედაგოგიური ინსტიტუტის ისტორიის ფაკულტეტი 1951 წელს.

1960 წელს სამუშაოდ მიიწვიეს სსრკ მეცნიერებათა აკადემიაში აღმოსავლეთმცოდნეობის ინსტიტუტის ლენინგრადის განყოფილების კავკასიურ კაბიეტში, სადაც სიცოცხლის ბოლომდე იღვაწა; გახდა აღიარებული კავკასოლოგი, შესანიშნავი წყაროთმცოდნე, არქეოგრაფი, პალეოგრაფი; მან ერთ-ერთმა პირველმა მიაქცია ყურადღება ქართული საისტორიო ძეგლების ტექსტოლოგიურ კვლევას, შეისწავლა და გამოსცა XI-XIX საუკუნეთა 720 ქართული ხელნაწერი დოკუმენტი, რომლებშიც მრავალი უნიკალური საბუთია; დიდი ღვაწლი მიუძღვის ქართული საისტორიო მწერლობის ძეგლთა რუსულად თარგმნის საქმეში; მან რუს საზოგადოებას გააცნო ლეონტი მროველისა და ჯუანშერის თხზულებანი, "ძეგლი ერისთავთა" და სხვა მრავალი.

წყარო: მამულიშვილთა სავანე. - თბ., 1994. - გვ.199