ლელა მაქარაშვილი

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1991 წელს (საკომპოზიციო).

1996-1999წწ. იყო დ. თორაძის სახელობის მუსიკალური სტუდიის პედაგოგი(კომპოზიცია, ფორტეპპიანო); 1999-2000წწ. ვ. სარაჯიშვილის სახელობის თბილისის სახელმწიფო კონსერვატორიის პედაგოგი(კომპიუტერული მუსიკალური პროგრამები); 2002 წელს გაიარა სტაჟირება მოსკოვის კონსერვატორიის ელექტრო-აკუსტიკურ სტუდიაში "ტერმენცენტრი"; 2003-2005წწ. "დები ჭოხონელიძეების საბავშვო სტუდიის" ხმის რეჟისორ-ოპერატორი; 2005-2007წწ. ფოლკლორული ანსამბლი "სათანაოს" წევრი; 2005 წლიდან გამომცემლობა "დიოგენეს" მუსიკალური მასალის კომპიუტერული უზრუნველყოფა; 2004 წლიდან პროექტ "მზევ შინ შემოდიო" სანოტო კრებულის კომპიუტერული ვერსიის შემქმნელი, მომღერალ-შემსრულებელი; 1997-2007წწ. ვ. სარაჯიშვილის სახელობის თბილისის სახელმწიფო კონსერვატორიის ხალხური მუსიკის შემოქმედების კათედრის მეცნიერ-თანამშრომელი(საარქივო აუდიო მასალის ციფრულ მატარებლებზე გადატანა, კომპიუტერული დამუშავება, არქივიზაცია-კატალოგიზაცია);  2012-2013წწ. ილიას უნივერსიტეტის მოწვეული ლექტორი(მუსიკალურ-კომპიუტერული კონვერტაცია); 2011 წელს სანოტო კრებულის "აღდგომის საგალობლები და სიმღერები" იდეის ავტორი, შემსრულებელი და თანარედაქტორი; თხზულებები: "სიმფონიეტა" დიდი სიმფონიური ორკესტრისათვის(1991), მუსიკალური სპექტაკლი "საახალწლო ზრაპარი"(1998), საბავშვო მინი-მიუზიკლი "დათუნია დრუნჩა"; კამერულ-ვოკალური და კამერულ-ინსტრუმენტული ნაწარმოებები: "პერფორმაცია" სოლისტისა და ელექტრო ჩანაწერისათვის(2000), "ერთხელ" ვოკალის, არფისა და ელექტრონული ჩანაწერისათვის ვოკალური ციკლი ე. ერისთავის ლექსებზე(2003), სიუიტა არფისა და სიმებიანი კვარტეტისათვის(2006), "მოლოდინი" კამერული ორკესტრისა და სოლისტისათვის(2007), მუსიკა ჯაზ-ბენდისათვის, მინიატურები სიმებიანი კვარტეტისათვის; გუნდი "ჩემი ვედრება", საბავშვო და საესტრადო სიმღერები, მუსიკა დრამატული სპექტკლებისა და კინოსათვის; პიანისტი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 301

• საქართველოს კომპოზიტორთა კავშირი, წევრი

• საქართველოს კულტურის სამინისტროს, საქართველოს კომპოზიტორთა კავშირის საბავშვო სოლო და საანსამბლო სიმღერების კონკურსი, II პრემია