რევაზ მაჩაიძე

დაბადების ადგილი: სოფელი კუმისი, გარდაბნის რაიონი.

დაამთავრა თბილისის ქორეოგრაფიული სასწავლებელი 1942 წელს.

1943-1966წწ. იყო თბილისის ოპერისა და ბალეტის თეატრის საბალეტო დასის მოცეკვავე, 1966-1969წწ. ამავე თეატრის მთავარი ადმინისტრატორი, 1969-1972წწ. დირექტორის მოადგილე; ქართული რეპერტუარი: ზაალი (ა. ბალანჩივაძე "მთების გული"), მონტანო (ა. მაჭავარიანი "ოტელო"), რეზო(ს. ცინცაძე "ცისფერი მთის საუნჯე"), გერმანელი ოფიცერი(დ. თორაძე "მშვიდობისათვის"); ცეკვები საოპერო სპექტაკლებში: ბოქაული(ვ. დოლიძე "ქეთო და კოტე"), ქართული (ზ. ფალიაშვილი "აბესალომ და ეთერი", "დაისი"), სპარსელის ცეკვა (ზ. ფალიაშვილი "ლატავრა"), მთიულური (ი. გოკიელი "პატარა კახი"), მხედრული (შ. მშველიძე "დიდოსტატის მარჯვენა"); სხვა რეპერტუარი: მოროზოვი  "ექიმი აიბოლიტი", კრეინი "ლაურენსია"; ცეკვების დადგმა: ზ. ფალიაშვილი "დაისი" (1962, თბილისის კონსერვატორიის საოპერო სტუდია), ო. თაქთაქიშვილი "ორი ნოველა" (1967, ხარკოვი), რ. ლაღიძე "ლელა"(1978, კოშიცე, ჩეხოსლოვაკია); ბალეტის მოცეკვავე; თბილისის მოზარდ მაყურებელთა სახელმწიფო ქართული თეატრის დირექტორი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 305; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.431

• 1996 - ღირსების ორდენი
  ქართული ქორეოგრაფიული და თეატრალური ხელოვნების განვითარების საქმეში შეტანილი დიდი წვლილისათვის, ნაყოფიერი შემოქმედებითი და საზოგადოებრივი მოღვაწეობისათვის
• 1961 - საქართველოს დამსახურებული არტისტი