პავლე კანდელაკი

დაბადების ადგილი: დაბა აბაშა.

დაამთავრა ქუთაისის კლასიკური გიმნაზია. სწავლობდა თბილისის უნივერსტიტეტის აგრონომიულ ფაკულტეტზე 1920 წლიდან; დაამთავრა ა. ფაღავას დრამატული სტუდია; თბილისის უნივერსტიტეტის იურიდიული ფაკულტეტი 1931 წელს. სცენაზე პირველად გამოვიდა 1917 წელს, წაღვერში შალიკაშვილის ხელმძღვანელობით, პიესაში "ბატონი და ყმა" შეასრულა პეპიას როლო. 1922-1927 წლებში მუშაობდა რუსთაველის თეატრში, პერიოდულად გამოდიოდა რაიონულ თეატრებში. შესრულებული აქვს შემდეგი როლები: რეგიდორი ("ცხვრის წყარო"), სპასალარი ("სინათლე"), ბარდოლფი ("უინძორელი მხიარული ქალები") და სხვ. მსახიობობის გარდა, მუშაობდა მასწავლებლად, საქართველოს სხადასხვა ქალაქების თეატრებში დგამდა სპექტაკლებსაც; მასობრივ სცენებში მონაწილეობდა კინოშიც. 1924-1930წწ. თეატრის მსახიობია; ამავე დროს ვოკალური ხელოვნებას ეუფლება ო. შულგინას ხელმძღვანელობით თბილისის კონსერვატორიაში მონაწილეობს დრამატულ და საოპერო სპექტაკლებში; 1930 წელს ადმინისტრაციულ სამუშაოზეა - "საქფილეგთის" დირექტორი, ხელოვნების სამმართველოს უფროსის მოადგილე; 1951-1952წწ. პარალელურად ასრულებდა ოპერისა და ბალეტის თეატრის დირექტორის მოვალეობას; შემდეგ რუსთაველის თეატრის, ხოლო 1956 წლიდან გრიბოედოვის თეატრის დირექტორია; ამ პერიოდში იგი საქართველოს კინემატოგრაფიის, შემდეგ კულტურის მინისტრის მოადგილეცაა; 1962 წლიდან სიცოცხლის ბოლომდე იყო კ. მარქსის სახელობის საჯარო ბიბლიოთეკის დირექტორი (საქართველოს პარლამენტის ეროვნული ბიბლიოთეკა).

წყარო: მამულიშვილთა სავანე. - თბ., 1994. - გვ.205; საქართველოს პარლამენტის ეროვნული ბიბლიოთეკა: nplg.gov.ge; ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.543

• კორპორაცია "დურუჯი", წევრი
• კულტსაგანამანათლებლო დაწესებულებათა საქმეთა კომიტეტი, თავჯდომარის მოადგილე
• ხელოვნების მუშაკთა კავშირი, წევრი (1922-)

• საპატიო ნიშნის მედალი
• შრომის წითელი დროშის ორდენი
• საქართველოს ხელოვნების დამსახურებული მოღვაწე