შალვა მამალაძე

დაბადების ადგილი: სოფელი ხევი, ჩოხატაურის რაიონი.

სწავლობდა თბილისის სამხატვრო აკადემიაში, სადაც ერთდროულად ეუფლებოდა ფერწერასა და არქიტექტურას 1922 წლიდან.

დიდია მისი დამსახურება ქართული პეიზაჟური მხატვრობის წინაშე; ამ ჟანრში იგი არის ერთ-ერთი საუკეთესო შემოქმედი; მის კალამს ეკუთვნის ათასამდე ტილო, რომელშიც მხატვარმა უმღერა თავის სამშობლოს; მხატვრის შემოქმედებიდან განსაკუთრებით აღსანიშნავია "სოფლის ხედი", "ტყიბულის ხედი", "ცემი", "მთის სოფელი" და სხვა.; 1943 წლიდან გარდაცვალებამდე იყო მისივე აღმზრდელი აკადემიის პროფესორი; იგი პირველი ქართველი მხატვარია, რომელმაც დიდი როლი შეასრულა ეროვნული კინემატოგრაფიის განვითარების საქმეში; მან გააფორმა "ნარინჯის ველი", "დიადი განთიადი", "კოლხეთის ჩირაღდნები" და სხვა.; ერთხანს მუშაობდა "უზბეკფილმში"; მხატვარ პეიზაჟისტი, პროფესორი.

წყარო: მამულიშვილთა სავანე. - თბ., 1994. - გვ.244; საქართველო: ენციკლოპედია: ტ.5. -თბ.,2023. -გვ.486

• საპატიო ნიშნის ორდენი
• შრომის წითელი დროშის ორდენი
• საქართველოს ხელოვნების დამსახურებული მოღვაწე

• შალვა მამალაძე : ილუსტრაციების ალბომი (ავტორი). - თბილისი, ხელოვნება, 1972. - 14გვ.