ნიკოლოზ მარშაკი

დაბადების ადგილი: ქ. ტულა, რუსეთი.

სამ ათეულ წელზე მეტი ხანი ედგა სათავეში რუსულ მოზარდ მაყურებელთა თეატრს; ხოლო სიცოცხლის ბოლო ორი წელი ხელმძღვანელობდა ჯერ ქ. კალინინის, შემდეგ ტულის მოზარდ მაყურებელთა თეატრებს; იგი ჭაბუკობიდანვე ეზიარა თეატრს; 1918 წლიდან მონაწილეობდა თბილისის სცენის მოყვარეთა რუსულ წარმოდგენებში, როგორც მსახიობი და რეჟისორი; მისი დიდი მეცადინეობით 1927 წლის 18 აპრილს, პლეხანოვის სახელობის მუშათა კლუბში დაიდგა ამერიკელი პოეტის ჰ. ლონგფელოს მიხედვით ნ. ოგნევის პიესა "ჰაიავატა, იროკეზების ბელადი"; ეს თარიღი იქცა ამიერკავკასიაში პირველი საბავშვო თეატრის დაბადების დღედ — თბილისში ჩამოყალიბდა თბილისის მოზარდ მაყურებელთა რუსული თეატრი, მის კვალად 1928 წელს შეიქმნა თბილისის მოზარდ მაყურებელთა ქართული თეატრიც; მისი დადგმებიდან აღსანიშნავია შილერის "ვერაგობა და სიყვარული", ს. მარშაკის "ტომ სოიერის თავგადასავალი"(მ. ტვენის მიხედვით), ა. ბრუნშტეინის "ცისფერი და ვარდისფერი", "ახალგაზრდა გვარდია"(ა. ფადეევის მიხედვით), ვ. როზოვის "გზა მშვიდობისა" და სხვები.

წყარო: მამულიშვილთა სავანე. - თბ., 1994. - გვ.250; кино-театр. ру : www.kino-teatr.ru

• საქართველოს სახალხო არტისტი