სიმონ გოგიტიძე

დაბადების ადგილი: სოფელი ჭალა, ოზურგეთის მუნიციპალიტეტი.

დაამთავრა კიევის უნივერსიტეტის სამედიცინო ფაკულტეტი 1897 წელს.

უნივერსიტეტის დამთავრების შემდეგ იქვე დაიწყო მუშაობა ბავშვთა სნეულებების კათედრაზე. 1904 მონაწილეობდა რუსეთ-იაპონიის ომში. 1909 აირჩიეს კიევის უნ-ტის პედიატრიის კათედრის პრივატდოცენტად, 1912 – ნოვოროსიის (ოდესა) უნივერსიტეტის პედიატრიის კათედრის გამგედ. 1921-იდან იყო თსუ-ის ბავშვთა სნეულებების კათედრის გამგე. მის შრომებში განსაკუთრებული ყურადღება ეთმობა ბავშვის ორგანიზმის თავისებურებებისა და ჰიგიენის შესწავლას. მან ერთ-ერთმა პირველმა დაადგინა ქალის რძეში ცხიმის გაჩენის გზები. პედიატრი, მეცნიერული პედიატრიის პიონერი საქართველოში, მედიცინის მეცნიერებათა დოქტორი (1904), პროფესორი (1912).

სადისერტაციო თემა -  "О переходе пищевого жира в молоко", დაიცვა 1904 წელს.

წყარო: საქართველო: ენციკლოპედია: ტ.2. – თბ., 2012. – გვ.63; ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.637

• ბავშვის კვება განსაკუთრებული ყურადღების მიქცევით ჩვილი ბავშვისადმი ნაწ. 1 : ზოგადი შესავალი : სამკურნალო ფაკულტეტის სტუდენტთა, ექიმთა და განათლებულ მშობელთათვის (ავტორი). - ტფილისი, სახელგამი, 1927. - 322გვ.