გიორგი მდივანი

დაბადების ადგილი: სოფელი სასახლე (ქვედა საზანო), ზესტაფონის რაიონი.

სწავლობდა თბილისის სახელმწიფო უნივერსიტეტის იურიდიულ ფაკულტეტზე 1924-1926წწ..

პირველი აღიარება ახალგაზრდა დრამატურგს მოუტანა პიესა "ალკაზარმა", რომელიც რუსთაველის თეატრში დაიდგა 1936 წელს; 30-იანი წლებიდან მოყოლებული მისი პიესები სისტემატურად იდგმებოდა არა მარტო ქართულ სცენაზე, არამედ მთელ საბჭოთა კავშირში; განსაკუთრებული წარმატება ხვდა წილად: "ბატალიონი მიდის დასავლეთისაკენ", "პარტიზანები", "პეტრე ბაგრატიონი", "ტერეზას დაბადების დღე", "კონსული მოიტაცეს", "შენი ძია მიშა" და სხვა.; ომის წლებში იგი გაზეთ "პრავდის" სამხედრო კორესპოდენტია; ნანახი და განცდილი ნიჭიერმა ხელოვანმა შემდგომ ასახა კინოსცენარებში: "მოსკოვის ზეცა", "რიგითი ალექსანდრე მატროსოვი" და სხვა.; ის კინოში გამოჩნდა 1925 წელს; უკვე 1927 წელს დაწერა კინოსცენარი "ახალგაზრდობა იმარჯვებს"; ამას მოჰყვა მისი სცენარით გადაღებული ფილმები: "ფრთოსანი მღებავი", "დაკარგული სამოთხე", "ჩვენი ეზო", "ხევსურული ბალადა", "საბუდარელი ჭაბუკი" და სხვა.; სულ საქართველოში მისი სცენარით დაიდგა 21 ფილმი; აღსანიშნავია, რომ დრამატურგის ერთ-ერთ ფილმს "ჩემი ბებია", რომელიც გადაიღო რეჟისორმა კ. მიქაბერიძემ ოციანი წლების ბოლოს მთავრობის მიერ უნდობლობის გამო ყადაღა დაედო, მხოლოდ 70-იან წლებში გამოვიდა ფართო ეკრანებზე; მისი სცენარები დიდი პოპულარობით სარგებლობდა უცხოეთშიც; მაგალითად: "საბჭოთა კავშირი იტალიელების თვალით", "მზესუმზირა", "5 რგოლის ისტორია" (იტალია), "გენერლები და ვარსკვლავები" (უნგრეთი), "დიდი გზა" (ჩეხოსლოვაკია); 1984 წელს მისი სახელი მიენიჭა ქვედა საზანოს სოფლის სკოლას. მიღებული აქვს სახელმწიფო ჯილდოები. სცენარისტი.

წყარო: მამულიშვილთა სავანე. - თბ., 1994. - გვ.262-263; ეროვნული ფილმოგრაფიის პორტალი: geocinema.ge; საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 640

• 1961 - საქართველოს ხელოვნების დამსახურებული მოღვაწე