ბახვა ლობჟანიძე

დაბადების ადგილი: ქ. ლაგოდეხი.

დაამთავრა თბილისის რკინიგზის ტრანსპორტის ინჟინერთა ინსტიტუტი გვირაბებისა და ხიდების მშენებლობის სპეციალობით 1953 წელს.

1953–1960წწ. მუშაობდა მოსკოვში და ავღანეთში; 1973–1979წწ. იყო თბილისის საქალაქო საბჭოს აღმასკომის თავმჯდომარე; 1979–1988წწ. საქართველოს გაზიფიკაციის სახელმწიფო კომიტეტის თავმჯდომარე, საქართველოს სათბობის სახელმწიფო კომიტეტის თავმჯდომარე; 1979–1981წწ. მონაწილეობდა საერთაშორისო გაზის კონგრესის მუშაობაში ქალაქ ტორონტოსა (კანადა) და ლოზანაში (შვეიცარია). 1994 წლიდან სააქციო საზოგადოების "საქთხევადგაზის" მთავარი სპეციალისტია. სხვადასხვა წელს იყო საქართველოს სსრ უმაღლესი საბჭოსა და თბილისის საქალაქო საბჭოს 4 მოწვევის დეპუტატი. მიღებული აქვს სახელმწიფო ჯილდოები, მათ შორის: ნიუ–ორლეანის საპატიო მოქალაქის წოდება და მსოფლიო დაძმობილებული ქალაქების საერთაშორისო ასოციაციაციის დიდი ოქროს მედალი.

წყარო: თბილისი – ენციკლოპედია. – თბ., 2002 – გვ.628; საქართველოს არქიტექტორთა და მშენებელთა ენციკლოპედია. -თბ., 2017.-გვ.345; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.77

• 2001 - ღირსების ორდენი
• 1981 - საპატიო ნიშნის ორდენი
• საქართველოს დამსახურებული ინჟინერი