ფირუზ მახათელაშვილი

დაბადების ადგილი: სოფელი კურდღელაური, თელავის რაიონი.

სწავლობდა თბილისის სახელმწიფო კონსერვატორიის საგუნდო-სადირიჟორო ფაკულტეტზე; აგროვებდა და იწერდა ხახლურ სიმღერებს, ცნობილ მომღერალთა(დედას ლევანა, ვანო მჭედლიშვილი, მიხა ჯიღაური, ნინია ელოშვილი) ნამღერ ვარიანტებს; ჩამოაყალიბა და ხელმძღვანელობდა გუნდებს(თელავი, გორი, რუსთავი, ახმეტა, ყვარელი, კურდღელაური, მუკუზანი, წინანდალი, შილდა, ნაფარეული, გურჯაანი, ველისციხე); ფირუზ მახათელაშვილმა სახელი გაითქვა როგორც თვითნასწავლმა კომპოზიტორმა; მისი ცნობილი საავტორო სიმღერებია: "ნუ გიყორს, ქალო", "სიმღერა კახეთზე", "სიმღერა თელავზე", "ხალხო, შეხედეთ, ეს გოგონა ვისია", მუსიკალურ-ქორეოგრაფიული სიუიტა "მთისა და ბარის მეგობრობა"; მისი გუნდები ხალხური სიმღერების გარდა ასრულებდა ქართველ კომპოზიტორთა ნაწარმოებებს: ნ. სულხანიშვილი, მ. ჩირინაშვილი, შ. მშველიძე; შექმნა ახალი კომბინირებული საკრავი, რომელშიც შერწყმული იყო ჩონგური და ფანდური; ხალხური სიმღერის მომღერალი, ლოტბარი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 309; საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 615

• 1979 - საქართველოს სახალხო არტისტი
• 1958 - საქართველოს ხელოვნების დამსახურებული მოღვაწე