ოთარ ლოლაშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1949 წელს.

1946 წლიდან იყო პარტიულ სამუშაოზე; 1951 წლიდან თბილისის საოლქო კომიტეტში მრეწველობის განყოფილების გამგის მოადგილე; 1957 წლიდან საქართველოს სახალხო მეურნეობის საბჭოს პარტიული კომიტეტის მდივანი; 1960 წელს მოლოტოვის სახელობის რაიონული კომიტეტის პირველი მდივანი; 1962–1965წწ. საქართველოს კპ ცკ ადმინისტრაციული ორგანოების განყოფილების გამგე; 1965-1972წწ. ქ. თბილისის ქალაქკომის პირველი მდივანი; 1972 წლიდან საქართველოს საშენ მასალათა მრეწველობის მინისტრი; 1983–1988წწ. საქართველოს სახელმწიფო საგეგმო კომიტეტის თავმჯდომარის პირველი მოადგილე. არჩეული იყო სსრკ 2 მოწვევის უმაღლესი საბჭოს და საქართველოს სსრ 4 მოწვევის უმაღლესი საბჭოს დეპუტადად. მიღებული აქვს სახელმწიფო ჯილდოები.

წყარო: თბილისი – ენციკლოპედია. – თბ., 2002 – გვ.629; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.134

• 1998 - ღირსების ორდენი
  სახელმწიფო ორგანოებში ნაყოფიერი მოღვაწეობისათვის, ქალაქ თბილისის აღმშენებლობის საქმეში შეტანილი პირადი დიდი წვლილისა და აქტიური საზოგადოებრივი საქმიანობისათვის
• საქართველოს დამსახურებული ინჟინერი