შოთა ლომიძე

დაბადების ადგილი: სოფელი საყულია, წყალტუბოს რაიონი.

დაამთავრა საქართველოს სასოფლო სამეურნეო ინსტიტუტი 1964 წელს.

სპორტსმენი (თავისუფალი ჭიდაობა), (97, 100 კგ). მსოფლიოს ორგზის ჩემპიონი (1969, 71) და მეორე პრიზიორი (1967), ევროპის ორგზის ჩემპიონი (1966, 69) და ორგზის მეორე პრიზიორი (1965, 67), მეხიკოს ოლიმპიური თამაშების მეორე პრიზიორი (1968), ტოკიოს ოლიმპიადის მონაწილე (1964, IX ადგილი). სსრკ ხალხთა IV და V სპარტაკიადების ჩემპიონი პირად და გუნდურ შეჯიბრებებში (1967, 71), სსრკ სამგზის ჩემპიონი (1964, 1965, 1966), მეორე (1968) და ორგზის მესამე პრიზიორი (1962, 1969). გამოირჩეოდა განსაკუთრებული ფიზიკური ძალით და ჭიდაობის შემტევი სტილით. სხვადასხვა დროს იყო ახალციხისა და გარდაბნის საკონსერვო ქარხნების დირექტორი, შემდეგ ხელმძღვანელობდა თბილისის უალკოჰოლო სასმელების მწარმოებელ კომპანია "ლაღიძის წყლებს".

წყარო: თბილისი – ენციკლოპედია. – თბ., 2002 – გვ.630; წყარო: საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ.421

• 1969 - სსრკ სპორტის დამსახურებული ოსტატი