გაიანე მაჭუტაძე

დაბადების ადგილი: ქ. პეტერბურგი.

დაამთავრა ქ. ლენინგრადის სახელმწიფო კონსერვატორია 1933 წელს(საფორტეპიანო).

1928 წელს ჩააბარა თბილისის სახელმწიფო კონსერვატორიაში, პედაგოგი ა. თულაშვილი(ფორტეპიანო), II კურსიდან გადავიდა ქ. ლენინგრადის კონსერვატორიაში; 1934 წლიდან იყო საქართველოს რადიოკომიტეტის და ფილარმონიის სოლისტი, პარალელურად ეწეოდა პედაგოგიურ მოღვაწეობას; 1938-1941წწ. ქ. მოსკოვის გნესინების სახელობის პედაგოგიური ინსტიტუტის პედაგოგი; 1942 წლიდან სიცოცხლის ბოლომდე თბილისის სახელმწიფო კონსერვატორიის პედაგოგი(ფორტეპიანო), 1947 წლიდან დოცენტი, 1976 წლიდან პროფესორი; 1991 წლიდან ხელოვნების აკადემიის პროფესორი; 1945 წელს იყო ქ. მოსკოვში ქართული ხელოვნების დეკადის  მონაწილე; მოწაფეები: მ. კოსტავა, ნ. ბრეგვაძე, ბ. ნამგლაძე, რ. ტაკიძე, თ. ჭუმბურიძე, ო. მაღრაძე; მეგობრობდა: ჰ. ნეიჰაუზთან, მ. იუდინასთან, დ. შოსტაკოვიჩთან, ა. იოხელესთან, ა. გაუკთან, ა. გოლდენვეიზერთან, ა. ვირსალაძესთან, დ. არაყიშვილთან; ის ერთ-ერთი პირველთაგანია ქართველ პიანისტთა შორის, ვინც ესტრადაზე გამოიტანა ქართველ კომპოზიტორთა ნაწარმოებები; ქართული რეპერტუარი: ა. მაჭავარიანი საფორტეპიანო კონცერტი(1944), ა. ბალანჩივაძის, ნ. გუდიაშვილის, ა. შავერზაშვილის ნაწარმოებები; სხვა რეპერტუარი; შოპენი, ბეთჰოვენი(მათ შორის სონატა N14 "მთვარის"), ფრანკი ვიოლონჩელოს სონატა(ე. ისაკაძესთან ერთად), ბრამსი კლარნეტის სონატა(რ. ჯიბლაძესთან ერთად); პიანისტი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 309; საქართველო: ენციკლოპედია: ტ.5. -თბ.,2023. -გვ.614

• 1976 - საქართველოს სახალხო არტისტი
• 1956 - საქართველოს დამსახურებული არტისტი