მერაბ მერაბიშვილი

დაბადების ადგილი: ქ. თბილისი.

დაამთავრა თბილისის II მუსიკალური სასწავლებელი (ფორტეპიანო), ვანო სარაჯიშვილის სახელობის თბილისის სახელმწიფო კონსერვატორია 1973 წელს (საკომპოზიტორი).

1965 წლიდან იყო თბილისის N7 მუსიკალური სკოლის პედაგოგი (ფორტეპიანო, ანსამბლი); თხზულებები, მიუზიკლები: საბავშვო – "სათაგური", "პეპლები", "ნაცარას დღეობა", "ახალი წელი", მუსიკა თოჯინების თეატრისთვის (20–მდე), "ვოკალიზი" სოპრანოსა და სიმფონიური ორკესტრისათვის (პირველი შესრულება, სოლისტი ლ. კალმახელიძე, დირიჟორი ჯ. კახიძე), 3 ვარიაცია ვალტორნისა და სიმფონიური ორკესტრისათვის, პიესები სიმფონიური ორკესტრისათვის; კონცერტები: საფორტეპიანო, კონცერტინო ფლეიტისა და კამერული ორკესტრისათვის; კამერულ–ვოკალური: ვოკალური ციკლი "მთის სიმღერები"; კამერულ–ინსტრუმენტული: ალტის სონატა, საფორტეპიანო "მხიარული ატრაქციონი" (1995, პირველი შესრულება), საფორტეპიანო პიესები, კვინტეტი, "სოფლის ჩანახატები" სასულე ინსტრუმენტისთვის, რაფსოდია საყვირისა და ფორტეპიანოსათვის; ანსამბლები: მოსწავლეთათვის (სხვადასხვა ინსტრუმენტებისათვის), გუნდები, საესტრადო სიმღერები, საბავშვო და საყმაწვილო, სოლო და საანსამბლო სიმღერები. მიღებული აქვს მოსკოვის სტუდენტთა კონკურსის II პრემია ვოკალური ციკლისთვის "მთის სიმღერები".

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 318; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.77

• საქართველოს კომპოზიტორთა კავშირი, წევრი

• 1999 - ღირსების მედალი
  ქართული მუსიკალური ხელოვნების განვითარებაში შეტანილი დიდი პირადი წვლილისა და მოსწავლე ახალგაზრდობის აღზრდა - განათლებაში დიდი დამსახურებისათვის