შოთა მესხი

დაბადების ადგილი: ქ. ზუგდიდი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1937 წელს(მუსიკისმცოდნეობა), მოსკოვის ლუნაჩარსკის სახელობის ინსტიტუტი 1941 წელს(სარეჟისორო).

სწავლობდა შ. რუსთაველის სახელობის თეატრის სტუდიაში, სწავლის დამთავრებისთანავე გახდა რუსთაველის თეატრის მსახიობი, 1946–1952წწ. აქვე, რეჟისორი; 1952–1954წწ. იყო ბათუმის თეატრის მთავარი რეჟისორი, 1954–1970წწ. თბილისის მუსიკალური კომედიისა და დრამის თეატრის მთავარი რეჟისორი; 1954–1978წწ. თბილისის შ. რუსთაველის სახელობის თეატრალური ინსტიტუტის პედაგოგი, დოცენტი, პროფესორი; ასწავლიდა აგრეთვე თბილისის II მუსიკალურ სასწავლებელსა და საცირკო–საესტრადო ინსტიტუტში მსახიობის ოსტატობას; ქართული რეპერტუარი, მუსიკალური კომედიები, ოპერეტები, მიუზიკლები: შ. მილორავა "საყვარელი დისშვილი"(1955), "სიმღერა თბილისზე"(1958), "მხოლოდ შენ ერთს"(1970), "საბედისწერო ოპერაცია"(1968), "გაბზარული ფირფიტა"(1970), გ. ცაბაძე "ახალი სიმღერა"(1956), "შესანიშნავი სამეული"(1963), "მე და ჩემი მეზობლები", "მიყვარს ჩემი ქუჩა", ნ. გუდიაშვილი "ვახშმობისას"(1959), ვ. კურტიდი "ჯერ დაიხოცნენ, მერე იქორწინეს"(1959), შ. ჯოჯუა "მეკარე"(1962), ა. შავერზაშვილი "ნინო"(1967), ვ. აზარაშვილი "მეცხრე ტალღა"(1969), დ. არაყიშვილი "დინარა"; სხვა დადგმები: ოფენბახი "პერიკოლა", ჟარკოვსკი "სიყვარულის კვანძი", ლოუ "ჩემი მშვენიერი ლედი".

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 320

• საქართველოს ხელოვნების დამსახურებული მოღვაწე