შალვა რადიანი

დაბადების ადგილი: ქ. ოზურგეთი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი.

1926 წლიდან დაიწყო ლიტერატურულ-კრიტიკული მოღვაწეობა; აქტიურად მონაწილეობდა საქართველოს მწერალთა კავშირის შექმნასა და საქმიანობაში; მუშაობდა "მნათობის", "პროლეტარული მწერლობის", "პიონერის", "დროშის", "ჩვენი თაობისა" და სხვა ჟურნალების რედაქციებში; 1937-1942წწ. იყო გაზეთ "ლიტარატურული საქართველოს" რედაქტორი; 1930 წლიდან თბილისის სახელმწიფო უნივერსიტეტში კითხულობდა ახალი და უახლესი ქართული ლიტერატურის ისტორიას; 1942 წლიდან იყო ახალი ქართული ლიტერატურის ისტორიის კათედრის გამგე; 1944 წლიდან რუსთაველის სახელობის ქართული ლიტერატურის განყოფილების ხელმძღვანელი; 1949-1958წწ. ამავე ინსტიტუტის დირექტორი; არის მრავალი ფუძემდებლური ნაშრომის ავტორი; განსაკუთრებით უნდა აღინიშნოს: "თანამედროვე ქართული ლიტერატურა", "ვასილ ბარნოვის ისტორიული რომანები", "ნიკოლოზ ბარათაშვილი და ქართული რომანტიზმი", "ახალი ქართული ლიტერატურა"(წგნ. I-II., 1949-1950), "ქართული ლიტერატურის ისტორია"(თანაავტორები ა. ბარამიძე, ბ. ჟღენტი. 1958, რუსულ ენაზე), "XX საუკუნის ქართული ლიტერატურა", "სახეები და შთაბეჭდილებანი" და სხვა; მისი რედაქციით გამოიცა ი. ჭავჭავაძისს, რ. ერისთავის, გ. წერეთლის, ი. ევდოშვილის, ე. ნონეშვილის, შ. არაგვისპირელის, ჭ. ლომთათიძის, ვ. ბარნოვის, გ. ტაბიძისა და სხვათა თხზულებათა კრებულები ქართულ და რუსულ ენებზე; იყო ქართული ლიტერატურის სახელმძღვანელოების თანაავტორი, 27 წიგნისა და 300-ზე მეტი ლიტერატურულ-კრიტიკული წერილის ავტორი; პროფესორი. დაჯილდოებულია ლესია უკრაინკას სახელობის და გერმანელი ფილოსოფოსის ჰეგელის სახელობის მედლებით.

წყარო: მამულიშვილთა სავანე. - თბ., 1994. - გვ.311; ქართული საბჭოთა ენციკლოპედია: ტ.8.-თბ.,1984.-გვ.267

• საქართველოს მწერალთა კავშირი, მდივანი (1929-1932)

• საქართველოს მეცნიერებათა დამსახურებული მოღვაწე
• საპატიო ნიშნის ორდენი
• შრომის წითელი დროშის ორდენი

• ლიტერატურული პორტრეტები : დამხმ. წიგნად ყველა ტიპის საშ. სასწავლებლებისათვის (ავტორი) // წ. 1. - ტფილისი, სახელგამი, 1931. - 350გვ.
• ლიტერატურის მეცნიერების პრობლემები : წერილთა კრებული (ავტორი). - ტფილისი, სახელგამის გა-მა, 1931. - 79გვ.
• ლიტერატურის საკითხები : წერილები თანამედროვე ქართული ლიტერატურის შესახებ (ავტორი). - ტფილისი, სახელგამი, 1930. - 182გვ.