კალე სალია

დაბადების ადგილი: სოფელი ჯგალი, წალენჯიხის რაიონი.

სწავლობდა თბილისის სახელმწიფო უნივერსიტეტში; ჰალეს(გერმანია) უნივერსიტეტის იურიდიულ და ეკონომიურ მეცნიერებათა ფაკულტეტზე; დაამთავრა სორბონის(პარიზი) უნივერსიტეტის ისტორია-ფილოლოგიის ფაკულტეტი.

წარმატებით მოღვაწეობდა მეცნიერული მიმართულებით; სხვა ცნობილ ქართველებთან ერთად ჟურნალ "ბედი ქართლისაში" აქვეყნებდა საკუთარ ნაშრომებს საქართველოს ისტორიისა და კულტურის საკითხებზე; იყო ამავე ჟურნალის რედაქტორი; მისი ხანგრძლივი მეცნიერული მუშაობის შედეგი შეჯამებულია მის დოკუმენტურ მონოგრაფიაში - "ქართველი ერის ისტორიას", რომელიც 1980-1983წწ. ფრანგულად ორჯერ გამოიცა; მან საქართველოს ხელნაწერთა ინსტიტუტს საჩუქრად გადასცა 1400-ზე მეტი ძვირფასი წიგნი ფრანგულ, ინგლისურ, გერმანულ, იტალიურ, ბერძნულ, ესპანურ, ლათინურ და სხვა ენებზე; 1986 წელს იგი პარიზში გარდაიცვალა, მაგრამ ანდერძის თანახმად, მისი ნეშტი გადმოასვენეს და ქართულ მიწას მიაბარეს; ქართველოლოგი.

წყარო: მამულიშვილთა სავანე. - თბ., 1994. - გვ.318; ai-ia.info/online-arqivi

• ოსლოს უნივერსიტეტი, საპატიო დოქტორი
• საერთაშორისო სამეცნიერო საზოგადოება, წევრი
• საქართველოს მეცნიერებათა აკადემია, საპატიო წევრი (1983-)
• საქართველოს საისტორიო საზოგადოება, საპატიო წევრი
• ხმელთაშუა ზღვის აკადემია, წევრი