ლილიანა მითაიშვილი

დაბადების ადგილი: ქ. თბილისი.

დაამთავრა თბილისის ქორეოგრაფიული სასწავლებელი 1955 წელს.

1955-1979წწ. იყო ზ. ფალიაშვილის სახელობის თბილისის ოპერისა და ბალეტის თეატრის საბალეტო დასის წამყვანი სოლისტი; 1975-1981წწ. თბილისის ქორეოგრაფიული სასწავლებლის პედაგოგი (კლასიკური ცეკვა), 2006-2009წწ. აქვე სამსახიობო ოსტატობის პედაგოგი, პარალელურად, 1975 წლიდან ზ. ფალიაშვილის სახელობის თბილისის ოპერისა და ბალეტის თეატრის საბალეტო დასის პედაგოგ-რეპეტიტორი; 1983-1984წწ. მონღოლეთის ქ. ულან-ბატორის თეატრში პედაგოგ-რეპეტიტორი; მოწაფეები: ქ. მუხაშავრია, ლ. ჩხიკვიშვილი, დ. ხოზაშვილი, ლ. ხოზაშვილი; ქართული რეპერტუარი: მანიჟე (ა. ბალანჩივაძე "მთების გული"), მზეთუნახავი (გრ. კილაძე "სინათლე"), ჯავარა, ნატაშა (დ. თორაძე "გორდა", "მშვიდობისათვის"), ემილია, დეზდემონა (ა. მაჭავარიანი "ოტელო"), თამარი, ქალიშვილი (ს. ცინცაძე "დემონი", "ქორეოგრაფიული პოემა"), გოგონა-თანაგრძნობა (ფ. ღლონტი "განთიადი"),  მანდილოსანი (ბ. კვერნაძე "მხატვრის სახელოსნოში"), ჯულიეტა (ჩაიკოვსკი "რომეო და ჯულიეტა"), ქალიშვილი, ხევსური ქალი (ო. თაქთაქიშვილი "ქორეოგრაფიული სიუიტა"); სხვა რეპერტუარი: ჟიზელი (ადანი "ჟიზელი"), ჩელიტა, ნიკია (მინკუსი "დონ კიხოტი", "ბაიადერა"), ლიზა (ჰერტელი "ამაო სიფრთხილე"), ოდეტა-ოდილია, მაშა, ავრორა (ჩაიკოვსკი "გედების ტბა", "მაკნატუნა", "მძინარე მზეთუნახავი"), ლაურენსია (კრეინი "ლაურენსია"); გასტროლები: საფრანგეთი, პოლონეთი, უნგრეთი, ავსტრია, ჩეხეთი, სლოვაკეთი, რუსეთი, გერმანია, არგენტინა, ბრაზილია, პერუ, ვენესუელა, ეგვიპტე, ბირმა, ლიბია, ტაილანდი, ცეილონი, კოლუმბია, კამბოჯა. მიღებული აქვს კამბოჯის მთავრობის საპატიო ორდენი (1965), მოსკოვის ახალგაზრდობისა და სტუდენტობის საკავშირო ფესტივალის ოქროს მედალი (1975). ბალეტის მოცეკვავე.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 327; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.309

• 1998 - ღირსების ორდენი
  ქართული საბალეტო ხელოვნების განვითარებასა და მის პოპულარიზაციაში შეტანილი პირადი დიდი წვლილისა და ნაყოფიერი შემოქმედებითი მოღვაწეობისათვის
• 1972 - საქართველოს სახალხო არტისტი
• 1961 - საქართველოს დამსახურებული არტისტი