მიხაილ მორდკინი

დაბადების ადგილი: ქ. მოსკოვი.

1920-1922წწ. თბილისში სათავეში ედგა "რუსულ ბალეტს"; მამაკაცური ცეკვის ერთ-ერთი რეფორმატორი; იყო ცნობილი საბალეტო მოცეკვავეების ა. პავლოვას, მ. კსეშინსკაიას პარტნიორი; წამყვან პარტიებს ასრულებდა რუსულ, ევროპულ და ამერიკულ ბალეტებში; მოღვაწეობდა საფრანგეთსა და აშშ-ში, სადაც დააარსა "Mordkin-baley"; მნიშვნელოვანი როლი ითამაშა ქართული პროფესიული ბალეტის ჩამოყალიბებაში; თანამშრომლობდა კ. მარჯანიშვილთან, მათ ქ. კიევში ერთობლივად დადგეს ლოპე დე ვეგას "ფუენტე ოვეხუნა"("ცხვრის წყარო"), სადაც მიხაილ მორდკინმა ბრწყინვალე ქორეოგრაფია შექმნა, დადგმასაც ბრწყინვალე და ხანგრძლივი წარმატება ჰქონდა; თბილისში დააარსა საბალეტო სტუდია, რომელშიც მ. პერინის ზოგიერთი მოწაფე შევიდა, ამ დასის ძალებით მან დადგა: დელიბი "კოპელია", ადანი "ჟიზელი", არმსჰაიმერი "კავალერიის შესვენება", მოშკოვსკი "გრენადის ყვავილები", ჰერტელი "ამაო სიფრთხილე", გუნო "დიონისეს დღესასწაული", "კარნავალი"(ლისტის, რუბინშტეინის, გლაზუნოვის, დრიგოს, მინკუსის მუსიკაზე); ცალკეული ამ ბალეტთაგან XX-ს მიწურულამდე შერჩა ქართულ საბალეტო სცენას; რუსი ბალეტმაისტერი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 337