ვასო ყუშიტაშვილი

დაბადების ადგილი: ქ. თბილისი.

სწავლობდა მოსკოვის უნივერსიტეტის საბუნებისმეტყველო ფაკულტეტზე 1913 წლიდან; პარალელურად  ვ. კომისარჟევსკაიას სახელობის დრამატულ სტუდიაში.

ახალგაზრდა ხელოვანი პეტროგრადში ხელმძღვანელობდა წითელი არმიის თვითმოქმედ თეატრს, დგამდა სპექტაკლებს; 1918 წელს იგი თბილისშია; აქ შედგა მისი დებიუტი ქართულ პროფესიულ სცენაზე; ოპერის თეატრში განხორციელდა სოფოკლეს ტრაგედია "ანტიგონე"; 1919-1933წწ. მოღვაწეობდა საფრანგეთსა და აშშ-ში; იყო ანტუანის თეატრის რეჟისორი; 1921 წელს შ. დიულენთან ერთად საფუძველი ჩაუყარა სახელგანთქმულ ფრანგულ თეატრს "ატელიეს"; მან დადგა გოლდონის "მარაო", აშის "შურისძიების ღმერთი", მოლიერის "ჟორჟ დანდენი", არისტოფანეს "ფრინველები" და სხვა; ატელიეში მოღვაწეობასთან ერთად იგი სპექტაკლებს დგამს პარიზის ცნობილ თეატრებში — "ოდეონი", "პორტ სენ მარტენი", "ელისეს მინდვრების თეატრი"; ნიუ-იორკში განახორციელა - ოფენბახის "დიდი ჰერცოგინია", ჟან ლარიკის "ქალწული საფრანგეთიდან", ნიუ-ორლეანში - ჩეხოვის "ალუბლის ბაღი"; 1933 წელს დაბრუნდა სამშობლოში და მუშაობა დაიწყო მარჯანიშვილის სახელობის თეატრში, სადაც 25 წელი დაჰყო; აქ დიდი წარმატებით დადგა - ვ. გაბესკირიას "მათი ამბავი", გ. შატბერაშილის "ფიქრის გორა", მ. მრევლიშვილის "ზვავი", ი. ჭავჭავაძის "კაცია-ადამიანი" და სხვა მრავალი; პარალელურად იგი ხელმძღვანელობდა თეატრებს ზუგდიდში, გორში, ქუთაისში; დაჯილდოვებული იყო მედლებით.

წყარო: მამულიშვილთა სავანე. - თბ., 1994. - გვ.362

• შრომის წითელი დროშის ორდენი
• საქართველოს სახალხო არტისტი